الثلاثاء، 3 نوفمبر 2009

الثقة


السلام عليكم
.
سؤال محيرنى وعاوزة افكر بصوت عالى فى معاكوا
.
الثقة
.
هو دا السؤال
.
التجربة بتجبر الانسان انه يوقف وقفه فى حياته من كل حاجة حواليه شخصيته وعلاقته بالناس
.
وقفه من ردود افعاله حتى نواية اتجههم .
.
مهما كانت التجربة تافهة او صغيرة من وجهة نظرة او حتى من وجهة نظر الى حواليه الا ان كل تجربة
.
مهما كان حجمها بتفجر اسئلة جواه وبتسيب بصمه فيه .
.
ممكن يكون الى مريت بيه من وجهة نظر الى حواليا تجربه صغيرة
.
لكنها اثرت فيا كتير وخلتنى حد شايف الدنيا والناس من زاوية جديدة وفجرت جوايا اسئلة منها
.
الى عرفت اجاوب عليها ومنها الى مش ليقلها اجابة او بمعنى اصح مش لقيلها مقياس عشان اعرف اجابتها
.
ازاى ممكن تثق فى حد؟
.
الثقة ليها معايير الخبرة للشخص بتفرق فى حجم ثقته للناس الى حواليه؟
.
هل ممكن تكون الاجابة ان فى زمانه دا مينفعش نثق فى حد؟
.
ولا ممكن يكون فى اجابة تانية غير دى مقنعة
.
عاوزة اعرف رايكم اكيد فى ناس منكم اكبر منى سنا واكتر منى خبرة وتجارب وحيكون عندهم زوايا
.
مختلفة عن الموضوع وفكرة اعمق عنه.
.
______________________________________________________
غيبت شوية ووحشتنونى موووت بس اكيد الكل عارف سبب الغياب
.
طلب صغنون: الى يخش البلوج يدعيلى دعواية صغنونه بالتوفيق.
.
shemo بقلم

46 التعليقات:

البروفيسير يقول...

السلام عليكم
متى يكون الشخص يستحق الثقه
عندما اعلم علما كاملا انه لا يريد مصاحبتى لاى مصلحه
عندما اعلم انه محب لى لنفسى وليس لشيئا اخر
عندما اعلم انه يكن لى كل وفاء واحترام
هناك اشياء كثير حينما نراها فى الشخص تجعلنا نثق فيه ونعطيه ثقتنا
وما سبق جزء منهذه الاشياء
تحياتى
احمد
ان شاء الله يستمر التواصل بينا

silent girl يقول...

زى ماانتى قولتى كل شخص منا ليه وجهه نظر فى الثقة انا الثقة بالنسبالى ان اى حد ائتمنة على سر يكون قد الثقة دى ومهما حصل بينا من خلاف ميقولش سرى لحد الثقة هى عهد بين كل شخصين او اكتر الثقة هى ثقة الاهل فى اولادهم ودى اهم ثقه على فكرة لان انتى بتنزلى بتطلعى هو واثقين فيكى وعارفين انتى بتعملى ايه الثقة زى ماقولتلك بين الصحاب الثقة بين الحبيب والحبيبه دى اهم حاجة كمان لان انتى لو مش واثقة فى الشخص اللى بتحبية يبقى مش حب ولو انتى مش واثقة ان انه بيخاف عليكى هتخافى منه صدقينى الثقة معناها متعدد جدا اتمنى انك تعرفى الثقه دى عن تجربة مش من كلام تحياتى

أبو العريف يقول...

ازيك يا شيمووووو

الثقه دي كلمه محيره فعلا

وانا من وجهة نظري انها ممكن تتجزأ

بمعني انا ممكن اثق في حد

انه هو كويس بس ممكن ما اثقش في مشاعره

لانه احيانا هو نفسه مش متأكد منها

ولكن اهم شئ في الشخص عشان يستحق الثقه
انه يكون صادق مع نفسه ومع الاخرين من البدايه

لاسع افندى يقول...

الثقه شيىء غالى لايمكن ان نعطيه لاى احد الا بعد ان يثبت انه جدير بها والمواقف بتبين معادن الناس



تحيه لاسعه

لاسع افندى يقول...

ربنا يوفقك
وتنورى البلوج على طول



تحيه لاسعه

لا تـــشـــتــــاق يقول...

متى يكون الشخص يستحق الثقه ؟
عندما نجده بحق الله يتقيه
عندما نجده طائعا
عندما نجده عبدا ربانيا
لاثقه لمن لااتقاء في عمله
يعنى واحد مبيصليش ولا بيعرف ربنا ونثق فيه
ان لم تستحى فأفعل ما شئت
الانسان الي بيعرف ربنا هيستحى من انه يعمل اى شئ غلط
او يخون
او يكذب
وربنا يارب يسترها معاكى ويوفقك
وكل سنه وانتى طيبه

shoshta_ joker يقول...

السلام عليكم........
للبروفسير.....
مرسى على الزيارة بفرح اوى بالتعليقات الجديدة..........وجهة نظرك جزء فعلا مهم من الاجابة على السؤال.....اتمنى دوا التواصل .....دومت بخير.....فى رعاية الله.
shemo

shoshta_ joker يقول...

السلام عليكم....
لsilent girl.......

عندك حق ان فعلا ثقة الاهل شىء مهم اوى.......ومينفعش تكمل علاقة بين اتنين مفهاش ثقة لانك زى ما قولتى مينفعش نحب واحنا خايفيين يعنى واحنا مش وثقين فى الى بنحبه......دومتى بخير....اتمنى دوام التواصل.
shemo

shoshta_ joker يقول...

السلام عليكم.....
لابو العريف......
ازى حضرتك يارب دايما بخير.......عجبنى اوى رايك ان زى ما فاهمت ان ممكن الثقة تتجزء....وفعلا لازم الانسان يكون صادق مع نفسه فى البداية .....فى رعاية الله.
shemo

shoshta_ joker يقول...

السلام عليكم....
للاسع افندى.....
ايك رايى اعتز بيه.....دومت بخير فى رعاية الله.
shemo

shoshta_ joker يقول...

السلام عليكم.......
لابوالعريف.......
امييييين يارب.....دعواتك...دومت بخير.
shemo

shoshta_ joker يقول...

السلام عليكم.......
لا تشتاق.....
زيارة جديدة اعتز بيها ويارب تتكرر.....فعلا اكتر الاوقات الثقة بتبقى مرتبطة بالخيانة .......وتقوى الله بيفرق فى صدق الناس مع بعضها وثقتهم فى بعض.......دومت بخير....فى رعاية الله .
shemo

غير معرف يقول...

فى الحقيقة أن الثقة فى الأشخاص لا تبين ولا تتضح منذ الوهلة الأولى ، وقد جربت من الأصدقاء الكثيرين لم أجد منهم معيناً على على حوادث الدهر ، وجربت أن أعطى ثقتى فى الشخص ثم ما يلبث أن أجده يخون ويجور ولذلك فقدت الثقة فى الكثير من البشر .
عزيزتى إن عنصر الثقة الذى يزرع يجب أن يختبر ويحاول الشخص أن يمتحن من يصادقه أو يحبه فإذا إجتاز تلك الإختبارات جاز أن يكون صديقاً أو حبيباً أو رفيقاً.
فمن الناس من تجديه يأخذ الأكور كلها مجرد تسليه ولا يقدر مشاعر الآخرين .
ومن الناس من يحب ويتلذذ بجرح الآخرين وهذا النوع يجب الابتعاد عنه .
ومن الناس من يخاف وينصح ويأخذ بيد من يحب ويهديه الطريق .
ابحثى عن الثقة بين جنبات الضمير
ابحثى عنها فإن وجدتيها فاختبريها
أحب مصر

shoshta_ joker يقول...

السلام عليكم.....
لغير معروف .....
احب مصر.......
حبيت اعلق على نقطة بس قولتلها وهى نوع الناس والى بتتلذذ بالخيانة والجرح من غير ما الاشخاص الى بيجرحوهم يكونوا ليهم اى ذنب ..... فالثقة تحتاج للعديد من الوقات والمواقف لكى تختبر .....وقد اعلم ان الجابة على سؤالى متعددة وليست سهلة .......دومت بخير.....فى رعاية الله.
ارجوا دوام التواصل .
shemo

صوت من مصر يقول...

لا اعلم شىء عن سؤالك

♥نبع الغرام♥♪≈ يقول...

بجد

وحشتينى اخبارك اية يارب تكونى بخير

بجد موضوعاتك جميله
ابقى طمنينى عليكى
وحشتينى كتير
امووواة

shoshta_ joker يقول...

السلام عليكم....
لايناس الاحزان .....
انا الحمدلله بخير ياجميل يارب انتى كمان تكون بخير دايما .....وانتى والله حبيبتى وحشانى موووت ....واعتز اوى برايك ويهمنى ....دعواتك ....مووووواااه ...
فى رعاية الله....دومتى بخير.
shemo

Tamer Moghazy يقول...

كل ما تقدم بنا العمر..
كل ما فقدنا الثقةفيما حولنا.
ملحوظة:
دعيت لك ;)

shoshta_ joker يقول...

السلام عليكم......
لtimo....
يمكن يكون عشان كثرت التجارب الى بنمر بيها .....سعيدة بمرورك ...يارب الزيارة تتكرر ...ربنا يتقبل ودعواءك دايما ...ولك مثله فى ظهر الغيب ....دومت بخير...فى رعاية الله.
shemo

الشاعر الحزين يقول...

أولا حمدا لله على السلامه وبجد بجد نورتى مكانك والله

وبجد كمان احنا فرحانين جدا بعودتك ويارب تكونى دايما بخير ومتغيبيش عننا تانى

ثانيا بقى بالنسبه للثقه

عايز أقوك ان مش هيدخل حياتك حد تثقى فيه الا حد واحد بس سواء صديق أو صديقه لكن عايز أقولك ان صعب جدا بل مستحيل هتلاقى اتنين يصلحوا للثقه فى وقت واحد

صدقينى لو فى حياتك اتنين ثقتك فيهم عاليه قوى اعرفى ان فيهم واحد ميستحقش الثقه دى


وأنتى مش محتاجه نصيحه عشان تعرفى مين اللى تثقى فيه أو لأ أنتى بمجرد احساسك هتعرفى

ده رأيى وأتمنى أكون أفدتك

دمتى بكل الخير والسعاده

MOHAMMED ELBANNA يقول...

shemo
مدونة جميلة وربنا يوفقك لما يحبة ويرضاه .
محمد البنا
طريق النجاح

شاب فقرى يقول...

بصى

انا جيت متأخر وتعبان جدا

وملحقتش أقرا

بس سجلت حضورى

عشان آجى تانى

وضفتك فى الريدر عندى :)

خالص تحياتى وإحترامى
شاب فقررى

Tamer Moghazy يقول...

من خلال خبراتي تاكدت من ان الثقة يا عزيزتي شعور متبادل .. وكمان مرة "متباااادل" بين الطرفين..
واقل من ذلك بيكون تسرع في الحكم يستحق اشد العقاب وهو الخيانة من الطرف الاخر.

amirelhob يقول...

انا اول مره اجى بس بجد عجبنى اوووووووووى البوست دا موضوع جديد وفيه تميز وتغير عن بقيت الموضوعات ومكتوب بطريقه سهله ومفهاش صعوبه على اللى بيقراه ولا فيه كلمات معقده صعب انها تتفهم بجد بوست اكتر من رائع وبتمنى انك تبقى تنورينى يا قمر ومن قلبى بجد بتمنلك كل خير و سعاده و صحه وتوفيق وفرح وابتسامه تدوم يا رب طول العمر

shoshta_ joker يقول...

السلام عليكم.....
للشاعر الحزين .....
ربنا يخليك انا الى بجد فرحانه ان حضرتك جيت وعلقت عندى.....طبعا افدتنى رايك يعتز بيه وبحترمه وبيهمنى جدااااا....عندك حق ان لازم الثقة تبقى فى شخص واحد سواء كان فى صديق او صديقة او حتى حبيب.......دومت بخير ....فى رعاية الله .
shemo

shoshta_ joker يقول...

السلام عليكم.....
لmohammed elbanna....
يارب امين .....ومرسى ع ذوق حضرتك يارب تكون المدونة فعلا عجبتك وتكرر الزيارة باذن الله.. حزور حضرتك قريب ان شاء الله .....دومت بخير...فى رعاية الله.
shemo

shoshta_ joker يقول...

السلام عليكم....
لشاب فقرى .....
ولا يهمك ان شاء الله تيجى فى وقت تكون مش مستعجل فيه وتقرا البوست ....يكفينى زيارتك للمدونة ....واتمنى دوام التواصل ...دومت بخير..فى رعاية الله .
shemo

shoshta_ joker يقول...

السلام عليكم.....
لtimo.....
رايك عجبنى اوى ركزت فيه ع حاجة ممكن تكون معرفوه بس مش واضحة فى وضوع الثقة فعلا الثقة من اولى خطوطها ان تكون متبادلة .....والا سيعقوبها الخيانة .......دومت بخير ارجوا دوام التواصل.....فى رعاية الله.
shemo

shoshta_ joker يقول...

السلام عليكم.....
لamirelhobe.......
بفرح اوى بالتعليقات الجديدة ...مرسى ع المرور وان شاء الله حجى وازور مدونتك ونتواصل دايما ومرسى ع رايك فى المدونة والبوست ....ويارب يكونوا عجبوك فعلا...دومت بخير...فى رعاية الله .
shemo

miroooo يقول...

بت يا شيمو انا عارفه انى تعليقى جه متاخر شويه البوست جميل اوى على العموم انتى ليكى تاج عندى ياريت تقبليه سلام يا احلى شيمو وبالتوفيق يارب

إسكندرانية يقول...

سبحان الله يتزامن دخوللك عندي واني اردللك الزيارة باني اجد بوست ليكي في صلب موضع المي وحيرتي وتعبي
وهو لماذا نثق ف الاخرين وننخدع
لماذا لا يعامل الاخر مثل ما بنعامله

ليه بننجرح وبنصدم

ليه اللي ودامنا مبيفكرش لحظة ويقول ميستاهلش الشخص دة اني اخدعه او اصدمة
وينسحب في هدوء ويتركنا في حالنا
لية الناس بتدخل حياة ناس وتخرج من حياتهم وهما المينهم ومعذبينهم

اسئله كثيرة بدون فائدة بوست رائع

حلم بيعافر يقول...

كل انسان يعى حجم تجربته ويعى ابعادها ويقف على قرارته بنفسه من خلالها
تقبلى مرورى

طوبه فضه وطوبه دهب يقول...

الثقه اصبحت شىء عزيز صعب نديه لاى شخص او نمنحه بدون سبب لازم قبل ما تثقى فى حد تشوفى معاملته مع ربنا اولا ثم معاملته مع من حوله ومنها ستصلى ان كان حقا جدير بالثقه ام لا

shoshta_ joker يقول...

السلام عليكم.......
لmiroooo.....
ولا يهمك يا ميرو ...المهم انك جيتى والبوست عجبك .....مرسى ع التاج يا حبيبة قلبى وان شاء الله حرد عليه فى اقرب وقت.....دومتى بخير....فى رعاية الله.
shemo

shoshta_ joker يقول...

السلام عليكم.....
للاسكندرانية .....
يارب اكون شاكرتك فى الم دوت نوعا ما لانى كتبت البوست لانى بحس بنفس الالم دا.......زى ما قولتى حتفرق كتير لو كل واحد حط نفسه مكان الى بيجرحه او بيظلمه ....وسئلت نفسى كتير السؤال دا مش لقيت اجابة له ليه الناس بتدخل حياة بنادمين وتقتحمها والناس دى بتقبل بدخلوهم فى حياته وفجاة بيخرجوا ومش لوحدة بل وسيبين جرح والم للناس دى ....نفسى قلائى اجابة ....اتمنى انك تكررى الزيارة .....دومتى بخير ...فى رعاية الله.
shemo

shoshta_ joker يقول...

السلام عليكم.....
لحلم بيعافر.....
مرسى ع مرورك ...فعلا كل شخص يعى حجم تجربته وايه القرار السليم الى ممكن يخده والدرس الى اتعلمه والاخطاء الى وقع فيها من خلال التجربة .....اتمنى ان الزيارة تتكرر .....دومت بخير..فى رعاية الله .
shemo

shoshta_ joker يقول...

السلام عليكم.....
لطوبة فضة وطوبة دهب......
وحشانى اوووووى ع فكرة .....والثقة اصبحت شىء نادر توافره عند الاخرين ...وتصرفات الشخص بتفرق فعلا اوى لما يكون علاقته بربنا قوية مش مجرد مظاهر وكلام فقط.....دومتى بخير فى رعاية الله.
shemo

ريمان يقول...

هو موضوع الثقه دى زى ما قولتى ليه ابعاد كتير


بس انتى عارفه

ربنا قال

ونفس وما سواها فألهما فجورها وتقواها

يعنى شوفى الفجور قبل التقوى


يعنى تتوقعى الوحش قبل الحلو من اى حد


فلازم تكون الثقه ليها حدود ومش تكون ثقه مطلقه

شبــ اون لاين ـــاب يقول...

الرجاء الدخول علينا


...


و اتمنى تحديد موقفك من القضيه

mahasen saber يقول...

مقدرش افيدك برأيى يا شيمو فى الموضوع ده لانى ببساطه بثق ثقه عمياء فى اى حد اعرفه وااقابله
الى ان يثبت لى العكس وساعتها بزعل شويه بس برجع عادى خالص ولطبيعتى تانى
يعنى اثق تانى فى اى حد اعرفه وااقابله

تقدرى تقولى معنديش ملكة التعلم من ما امر به من اخطاء

المهم ايام مباركه عليكى يا جميله وكل سنه وانتى بكل خير

احمد اشرف يقول...

السلام عليكم

الثقه فى اى حد بيكون نتيجة كتييير من المواقف وطريقة تعامل الشخص معها وكمان من صفات الشخصيه نفسها

ويارب يجعل ثقتك فى محلها ولا يخزلك احد

تحياتى

shoshta_ joker يقول...

السلام عليكم.......
لريمان.....
عندك حق ع الاقل لما نتوقع الوحش الاول لما يتطلع كويس حنفرح بيه ولما يبقى وحش زيى متوقعنا مش حنزعل ولا نتصدم ولا نضايق .....دومتى بخير....فى رعاية الله.
shemo

shoshta_ joker يقول...

السلام عليكم.....
لmahasen saber.....
مبسوطة اوى بتعليقك وزيارتك ليا ....رايك يهمنى اوى .....كنت كده الاول بس ف اخطاء مينفعش الواحد ميتعلمش منها .....كل سنة وانتى طيبة وربنا يتقبل الدعاء يارب.....فى رعاية الله....دومتى بخير .
shemo

shoshta_ joker يقول...

السلام عليكم.....
لشباب اون لاين ....
حدخل وقول رايى ياذن الله
دومتوا بخير
فى رعاية الله
shemo

shoshta_ joker يقول...

السلام عليكم.....
لاحمد اشرف .....
مرسى ع زيارتك وع رايك ....ارجو دوام التواصل ....فى رعاية الله....دومت بخير .
shemo

ЯậŇ MỗŘỹ يقول...

الثقه !!
انها تلك الكلمه التى تسير الآن فى طريق مظلم تاركة عالمنا ورائها خوفا من تلويثها من خداع البشر
يااااااااااه فكرتينى ناس وثقت فيهم و كانت الثقه بالنسبه لهم كلمه تندرج تحت بند الأشياء التى يستطيعون خيانتها و تمزيقها أشلاء


حقوق النشر محفوظه لمدونه™ shababik