الثلاثاء، 24 نوفمبر 2009

تاج من ميروووو + كل سنة اونتم طيبين



السلام عليكم

الاول كل سنة وانتم طيبين يارب وبالف صحة و سلامة وخلبلكم من الصحة بذات
عشان اللحمة الكتيررر
جالى تاج من ميرووو حبيبة قلبى واول مرة تدينى هدية ومينفعش اكسفها
بسم الله نبدا التاج وربنا يسهلها
_____________

اسمك ؟
شيماء .
-
سنك؟
16 سنة .
-
اسم مدونتك ؟
shababik.
-
مجال دراستك ؟
ثانوى عام علمى رياضة بعيد عنكم
ههههههه.
-
هل فكرت فى اغلاق مدونتك ؟والسبب؟
لا مفكرتش قبل كده فى اغلاق المدونة
يبقى اكيد مفيش سبب
ههههههههه.
-
ايه رد فعلك لو حد اقل ادبه عليك فى المدونة ؟
مش حرد عليه وححذف التعليق
لانه مش يستحق ارد عليه اساسا .
-
اسوا مدونة دخلتها ؟
هى مدونة مكنتش اعرف محتواهم وطلع المحتوى خارج
بدون ذكر اسماء طبعا وربنا يهدى الجميع .
-
هيحصل ايه لايميلك بعد ما تموت؟
اكيد حيتافل و حيموت معايا
-
اديت الباسورد لحد قبل كده ؟
اه اديته لشخصين ومازال معاهم
عشان قريبين منى اوى .
-
السفر بالنسبة ليك ؟
مكان جديد بغير فيه جو
وبشوف حجات جديدة ممكن اكون مشفتهاش قبل كده
ممكن اتعرف ع ناس جديدة فيه وقضى وقت ممتع مع صحابى وقريبى لناس الى بحبهم
-
المود بتاعك ايه؟
متقلب دايما
مجنونة لحد ما.
-
بتعمل ايه فى وقت الفراغ؟
بفتح نت
برسم
بصمم ودا بقليل جدا دلوقتى
بقرا مدونات بتبعها
بحفظ قران
برد ع التعليقات الى عندى فى المدونة
-
الاكلات المفضله؟
ايوه كده هى دى الاسئل ولا بلاش
هههههههه
عندى مزاج اوى فى الاكل
السمك
الكبدة الاسكندرانى
كشرى المصرى
فى كتير بس كفاية كده
-
الصفات اللى اخدتها من والدتك ؟
حب الناس
و الطيبة
والوضوح
والاجتماعية
-
الصفات اللى اخدتها من والدك؟
حب التطلع والمعرفة
العصبية
الاهتمام بالذات لحد ما
-
اكثر ست حاجات بتحبهم؟
الرسم
مجال الازياء
البحر
الاحلام
الوضوح
المشى
-
اكتر ست حاجات بتكرههم؟
التافهه
الخيانه
الكدب
الصحاب الاندال
انى اركب الترام والدنيا زحمه
فصل الشتا
-
شخصيتك نوعها ايه؟
طموحة
حالمة
متمردة لحد ما
اجتماعية
-
لماذا دخلت عالم التدوين من الاساس؟
عجبنى وحسيت انى ممكن استفاد منه شخصيا
بالتعرف ع ناس جديدة عندهم فكر مختلف ومتنوع وناضج
عشان اخرج فيه طاقتى من كتابة واحساس وشارك بفكر
ممكن يضيف ولو لشخص واحد حاجة جديدة .
-
اهميه التعليقات بالنسبه لك؟
بفرح بيها اوى وبتعرفنى رايى الى حواليا فى فكرى
وبهتم بعددها واعمل مقارنه بين البوستات
واعداد التعليقات فيها
وخصوصا لما حد يعلق يكون يهمنى رايى
وبستفاد منه
والتعليقات الجديدة بفرح بيها اوى لانها بتعرفى انى مش وقفة فى مكانى
وفى ناس جديدة بتوصلى .
-
احلى بوست كتبته؟ مع ذكر السبب؟
بوست تذكرت ووثقت
السبب:انه بجد كان بيعبر عن احساس جوايا حسيته وطلعته
فى الكلام الى كتبته فى البوست
-
افضل مدونه قريتها؟
تقريبا كل المدونات الى بتبعها
مش مسالة الافضل لكن كل واحد عنده فكره الخاص
المختلف عن الاخرين وفيه حاجة بتميزه
-
اهميه الانترنت بالنسبه لك؟
تقريبا جزء من حياتى الخاصة
لما ببعد شوية بحس انى منقطعه عن الناس
-
اهداء التاج ؟
مش عايزة ادبس حد ويكسفنى عشان عارفه ان التاج دا مر ع امة
لا اله الا الله
ههههههههه
فالى يدخل ويعجبه التاج يخده زى بيتكم محدش يتكسف
ههههههههه
_______________________________
الى يدخل مينساش يسيب العدية
ولحمة لو فى ميخسرش هههههههههه
اجابات بقلمى انا shemo

44 التعليقات:

جمهورية شومبونجو العربية يقول...

السلام عليكم

كل سنه وانتى طيبه

ويارب عيد سعيد عليكى

♥نبع الغرام♥♪≈ يقول...

ماشاء الله عليكى

اجابات جميله
ربنا يسعدك يارب ويحقق ليكى كل ما تتمنى واكتر

هايله

بحبك اوووووووووووى
اموووووووووووووووووووواة

♥نبع الغرام♥♪≈ يقول...

احم احم

ازيك ياقمر كل سنه وانتى طيبه عيد سعيد عليكى وعلى الامة الاسلامية جمعاء

جمهورية شومبونجو العربية يقول...

وعندك
واحد خروف
شومبونجى
لشيمووو

وسمعنى سلام العيد فرحه


تحياتى ليكى


رئيس الجمهورية

miroooo يقول...

كل سنه وانتى طيبه يا شيمو اجاباتك رائعه والله صدقى طلعتى بتفهمى هههههههه ربنا معاكى ويوفقك وميرسى انك قبلتى التاج والله بحبك جداااا اتمنى اشوفك قريب سلام يا قمر

حسن حنفى يقول...

كل سنه وانتي طيبه وبخير يارب ...

دعواتك بقي :d

لاسع افندى يقول...

كل سنه وانتى طيبه

ومبروك التاج


تحيه لاسعه فى طبق فته

شبــ اون لاين ـــاب يقول...

كل سنه و انتى طيبه يا جميل

تاج جميل و باين شخصيتك فيه

طب و العيديه حنسيبها فين

مش لاقى مكان اسيبها فيه خلاص بقى

العيد الجاى


------------------
واحد مخه لاسع شويه

amirelhob يقول...

كدا يا شيمو طيب ادهونى طيب هو خساره فيا كدا (: ههههههههه

بجد كلامك واجابتك فى البوست تجنن وعلى قد سنك انما عندك ثقه غير عاديه ويا رب دايما كدا تجوبى وتبقى واثقه من نفسك كدا علطول واول مره اكتب كومنت هنا بس مش اخر مره ان شاء الله يا قمر ومن قلبى بتمنلك كل خير وسعاده وصحه ونوفيق وفرح وابتسامه تدوم يا رب طول العمر وكل سنه وانتى اجمل واحلى وارق واحن واطيب واسعد وابسط واقرب من ربنا من اللى قبلها يا رب دايما يا قمر

shoshta_ joker يقول...

السلام عليكم.....
لجمهورية شومبونجو العربية .....
بحالة يا رئيس لالالالالا كده كتير
خروف بحالة هههههههه
تحياتى ليك
دومت بخير .....فى رعاية الله.
shemo

shoshta_ joker يقول...

السلام عليكم.....
لايناس احزان .....
ربنا يخليكى يا انوسة ياررررب
ويتقبل الدعاء الجميل دا.....
وانا بمووووت فيكى يا حبيبة قلبى .
بحبك اوووووى
اموووووااااااااه .
دومتى بخير....فى رعاية الله.
shemo

Somaya Kamal El Din يقول...

كل سنة وانتى طيبة

عيد سعييييد عليكى

ويا ربنا يعينك على الثانوية هباب اللى انتى فيها
هههههههههههه

استمتعى بالعيد وانسى كل حاجة

shoshta_ joker يقول...

السلام عليكم.....
لايناس الاحزان .....
وانتى طيبة يا حبيبة قلبى
وبالف خير وصحة يارب .....
دومتى بخير ...فى رعاية الله.
shemo

shoshta_ joker يقول...

السلام عليكم.....
لجمهورية شومبونجو العربية ....
وانت طيب يارئيس يارب وبالف صحة ......دومتى بخير ...فى رعاية الله.
shemo

shoshta_ joker يقول...

السلام عليكم....
لحسن حنفى ......
كل سنة وانت طيب يا حسن يارب وبالف صحة .......وربنا معاك فى الكلية يارب ويكرمك فى الامتحانات .....دومت بخير ف رعاية الله .
shemo

shoshta_ joker يقول...

السلام عليكم....
لmiroooo .......
وانتى طيبة يا ميروووو....ماشى يا سيتى كويس انك عرفتى انى بفه بس اتهيئلى عارفه من زمان هههههه .....وانا كمان بحبك جدااااا يا قمر ....اشوفك ان شاء الله فى صلاة العيد.....دومتى بخير....دومت بخير ....فى رعاية الله.
shemo

shoshta_ joker يقول...

السلام عليكم.....
لamirelhob......
والله انا مش رضيت ادبس حد فيه واحنا لسه فيها ياعمرو ......خده طب وبجد مش بعزم عشان انت قولت والله بجد حستنى اشوف اجبيتك......ع فكرة انت مش اول مرة تعلق هنا علقت قبل كده فى البوست الى فاتت واتفقنا نبقى صحاب .....دومت بخير ....فى رعاية الله.
shemo

shoshta_ joker يقول...

السلام عليكم.....
للاسع افندى .....
وانت طيب يا لاسع .....ومرسى ع طبق الفتى ههههههههه......دومت بخير...فى رعاية الله.
shemo

shoshta_ joker يقول...

السلام عليكم.....
لشباب اون لاين .....
للواحد مخه لاسع .....
وانت طيب يا لاسع........وعديتى انك جيب وزورتنى وعلقت .......دومت بخير ...فى رعاية الله.
shemo

ليس فقيرا من يحب يقول...

كل سنه وانتى طيبه ياقمر

عيد سعيد عليكى وعلى

كل حبايبك يارب

يوميات شاب منوفى يقول...

كل سنة وانتى طيبة ويارب السنة الجاية تكونى فى الكلية الى تحبيها انتى عارفة انا منوفى ومبديش حد عدية باخد بس

Batoooot_soso يقول...

كلسنه وانتم طيبين على الجنه ريحين وعلى عرفات متجمعين وللنبى محبين
تحياتى بطووط

Batoooot_soso يقول...

كل سنه وانتم طيبين وفى الجنه دخلين ومن النبى مقربين
وليا عطينى العدي هههههههههههه
تحياتى بطووط

عاشقه الرومانسيه يقول...

كل سنه وانتى طيبه ياشيمو
وياستى من غير ما تحتارى هتلاقى صندوق جنب باب المدونه ابقى حطى لى فيه العيديه
هههههههههه
طب خلاص ملحوقه
هاتى كيلو لحمه

الشاعر الحزين يقول...

ايه ده ؟؟

أنا متأكد انى دخلت وعيدت عليكى وقولت كل سنه وأنتى طيبه

هو أنتى منشرتيش التعليق ولا هو موصلش أصلا ولا ايه ؟؟

أصلى بجد متأكد جدا انى علقت هنا

عموما كل سنه وأنتى يارب بكل خير وسعاده دايما

ويارب عيد سعيد عليك وعلى كل أحبابك

دمتى بكل الخير

صوت من مصر يقول...

كل سنه وانتى طيبة
فى حد بيحب السمك يا شيخه

shoshta_ joker يقول...

السلام عليكم.....
لsomaya kamal el din.....
وانتى طيبة يا جميل ....ويارب يديم التواصل ....ودعواتك بقاه ع الثانوية الهبابا دى .....وربنا معانا كلنا .....وعد بزيارة عندك...دومتى بخير ....فى رعاية الله.
shemo

shoshta_ joker يقول...

السلام عليكم.....
للشاعر الحزين ....
وانت طيب وبالف صحة يارب وسلامة ....لا والله التعليق موصلش....ولا يهمك ع العموم المهم انك جيت وعلقت واطمنا ع حضرتك.....حستنى زيارة دايما ....دومت بخير ...فى رعاية الله.
shemo

shoshta_ joker يقول...

السلام عليكم...
ليوميات شاب منوفى ....
وانت طيب يارب ويسمع منك ربنا ...ولا يهمك دى اول زيارة عندنا احنا نديك العدية .....الاسكندرنية كرمه ع فكرة ههههههه بهزر ...دومت بخير ....فى رعاية الله.
shemo

shoshta_ joker يقول...

السلام عليكم...
لbatoot_soso.....
وانتى طيبة يا بطوط و....دعواتك ...دومتى بخير ...فى رعاية الله .
shemo

shoshta_ joker يقول...

السلام عليكم....
ليس فقير من يحب .....
وانتى طيب يا جميل ....وربنا يكرمك يارب ودعواتك....فى رعاية الله....دومتى بخير .
shemo

shoshta_ joker يقول...

السلام عليكم...
لbatoot_soso.....
لا عيب عليكى بجد العدية بيخدها الصغيرين من الكبار وانتى الكبيرة مليش دعوة انا الى حخد العدية ....مستنياها
shemo

shoshta_ joker يقول...

السلام عليكم....
لعاشقة الرومنسية ....
وانتى طيبة يا جميل.....اوكى حروح احطها هههههههه ع طول اهو.....لحمة لا انتى كده دخله ع طمع ههههه بس عينى عشان .....دومتى بخير ...فى رعاية الله.
shemo

shoshta_ joker يقول...

السلام عليكم....
لصوت من مصر ....وانت طيب يا كيمو ....اسكندرينية اتهيئلى يبقى عادى ان اكون بحب السمك ولا ايه رايك ....دومت بخير ....فى رعاية الله.
shemo

شاب فقرى يقول...

بالنسبة للعدية صحيح

الحالة ناشفة اليومين دول

لما حد يبعت لنا لحمة

هبعت لك حته لحمة حلوة :)

بس دا مش وعد :p

كل سنة وانتى طيبة يارب والى الله اقرب وفى تفوق دايم

شاب فقرى

شاب فقرى يقول...

حلو اوى الحاجات الجميلة دى

سخصية بنت حلال وجدعه

تاج حلو برده اظهر انك طيبة

ربنا يعينك ويوفقك دايما فى الدراسة

انا كنت طالب علمى رياضة سابق

خالص تحياتى

شاب فقرى

Tamer Moghazy يقول...

كل سنة وانت بكل الخير والسعادة

أبو العريف يقول...

كل سنه وانت طيبه

مع انها متأخره قوي


اجابات عقلانيه

تحياتي

micheal يقول...

كل سنة وأنتي طيبة
التاج ده بقى منتشر في المدونات بشكل فظيع.تقريبا كل ما أدخل مدونة ألاقيه بس كويس ادينا بنعرف شوية معلومات لذيذة عن بعض
:)
تحياتي

سلمى يقول...

كلك لذيذه وطيبه
مبرك عليكى التاج

lostlove يقول...

انا جيت بعد العيد بس تاج جميل وتستحقيه
واجبات احلي واحلي
وهبي اديكي العديه العيد الجاي عشان معيش فكه بقي
اتمني التوفيق يا قمر بوست رائع

عصـــــــــــام الــــديــن يقول...

السلام عليكم
جميله ردودك جدا ياشيماء ربنا يوفقك
تحياتى

حسن ارابيسك يقول...

يااااه ياشيمو
أنتي صوغنونة قوي بس ماشاءالله عليكي
الواحد طبعاً مش بالسن
لأن قرأت بعض التدوينات لكي وعجبني الطريقة اللي بتفكري بيها على سبيل المثال عن الموضة وعن الثقة وتذكرت ووثقت ..الخ
واضح انك في بداية الثانوية العامة لكن امتى درستي الموضة ولا اجتهاد شخصي
شيمو أشكرك من كل قلبي على زيارتك لمدونتي المتواضعة ورقتد التي تخللت كل مجاملتك وبشأن سؤالك عن الرسومات التعبيرات المصاحبة للتدوينات
أقرأي لي تدوينات كثيرة قديمة وشوفي الأسلوب واحد ولا مختلف فتعرفين أن التدوينات لي
وبناءً عليه طالعي الرسومات جيداً أي خطوطها وهو مانسميه الكاركتر اللخاص بكل فنان وبناءً عليه أيضا تعرفين ان كانت الرسومات لي أم لا
وأنا منوع في المدونة مابين الرسومات التعبيرية والكاريكاتير
وبمناسبة حبك للأرابيسك هل لديكي فكرة عن أنواعه
شيمو
أدعو لكي بالتوفيق والنجاح وأتمنى دوام التواصل الفني الجميل إن شاء الله
تحياتي
حسن أرابيسك

غير معرف يقول...

كل سنه وانتى طيبه وحلوه اوى الاسئله تى

( مستخلص افندى )


حقوق النشر محفوظه لمدونه™ shababik