الثلاثاء، 10 فبراير 2015

اعرف الله...منه



اعد ترتيب مدخلاتك الدينية
اعد بلورة علاقتك بالله.
ركز
ستجد ان معظم مدخلاتنا الدينية
مجرد موروثات عن الاباء والاجداد.

اطرد كل ماتعرفه
نفد معلوماتك عن الله والدين
وقرر ان تعرف الله منه هو...ليس من حد

كف عن الانصات لاقوالهم...وانصت فقط لله ورسوله...ستجد طمانينة...ستجد حبا وصله وفهم 

قد شوهوا حب الله بالترهيب والجهل.

#لاتهجر_مدونتك

Shoshta

الأحد، 8 فبراير 2015

عيشوا بقى


عيشوا بقى
حبوا الحياة 
وافهموا ان الحياة
نعمة وهبه
وان انفسنا بعدد
وان الى مشيوا قبلنا
مشيوا لجل يوصلولنا
ان الحياة دى هبه
انسوا المخاوف والتعب 
احنا اتخلقنا ف كبد
فبلاش نزود ضعفنا بخوف وقلق
كل الى مكتوب عنده حيحصلنا
فعيش كل لحظة مليانة بفرح
وركز فانها نعمة ورسالة
واتغاضى عن كل الالم 
حب واتمسك وعيش
فانت ف الاخر مفارق 
هى ياصحبى مجرد مرحلة 
احنا متخلقناش عشان نفضل هنا
ولا اتخلقنا عشان نرهن نفسنا 
ولابجسد ولابمكان ولا بزمان ولااى حد
احنا جينا عشانه هو هو قادر ع الونس
والموت ياصحبى مش نهاية..
احنا الى فكرينه كدا.
الموت بداية مخلوقة ف نهاية.
الدنيا مشوار اخره اخرة 
فيها راحة فيها سكنة عند الرحيم.
فحب الحياة..عشان يوم متوهبك
موتك تبقى حابب موتك اوى  .

#لاتهجر_مدونتك

Shoshta

الاثنين، 5 يناير 2015

منك...لله



حب الى تحبه
اتعلق بيهم
يكسروا قلبك
امسك فاديهم
روح وسمحهم
او حتى انت صلحهم
خليك بحنينك
بشوقك دفيهم
اشترى فى حجات
وحفظ فى كلام 
وملى دولابك مليون ذكرى
اكتب فخواطرك وقصايد شعرك
واعمل دواوين
واتمشى كتير 
وازعل من ناس 
بطل تعاتبهم
اشحن تليفونك
واسمع اغانيك
طب سرح شعرك
قول الى فى نفسك
كل واتخن عادى 
حط ف برفان 
وادهن اوضتك بخمس الوان
شيل ف البنك فلوس او حتى ف جيبك
العب ف الشارع تحت المطرة
واضرب عينك فى شمس حتلمع
واضحك فى وششهم
واتنفس يود
واصحى الفجرية وف عز البرد افتح بلكونتك
وكمل عشرة ع الخمسة وستين
و امرض او اشفى 
اهو كله وداع
وحتمشى فيوم من غير ما تسلم
او حتى تقول
حتسيب الى تحبه او حتى عتبته
حتسيب الدنيا
والكل يدمع ع قبرك حبه 
وانت حتسمع خطوات رجليهم
وتقول خليكوا خايف مالوحدة 
خايف م الظلمة ولا حد حيسمع
والكل حيمشى وحتبقى لوحدك
وحتبقى خلاص....منك لله.



حقوق النشر محفوظه لمدونه™ shababik