الخميس، 7 يناير 2010

انا غالية


.
السلام عليكم
.
فى وسط زحمة افكارى فكرة دايما ملزمانى فكرة عبرت عنها فى كلمة (انا غالية )الكلمة دى بجد لو تفهم معناها كل بنت
.
من بنات جيلنا حيفرق حلنا وقتها كتير , حيفرق شكل لبس البنات الى بنشوفه فى الشارع والى بيسبب ازمة لكتير من الشباب
.
والى اى حد يعمل حاجة فى الشارع يعلق قلة اخلاقه عليه ,حتفرق كتير فى فكرتنا ع الحب والارتباط ,جاية افكر نفسى قبل اى حد
.
انى دينا هو الى قال كدا انى غالية .....ايوه غالية ...غالية بحجابى وبشكله كمان مش اى طرحة ع الراس تبقى حجاب .
.
غالية لان المفروض اكون عارفه قيمة نفسى قبل اى حد ماي كون عارف كدا ,وبجد اصبح شكل العلاقات فى مجتمعنا عجيب جدا
.
والسبب احنا برده وافكارنا .....دا حبيبى ودا صحبى دى بقيت تتقال عادى كدا ولا اكننا مجتمع مسلمين ولا حاجة ولا حتى بنحط حدود
.
للعلاقات بتاعتنا دى ....لو كل بنت عرفت انها عشان غالية كانت عرفت انه منفعش حد يشوف حاجة من جسمها وهو مش من حقه
.
يشوفها , كانت تعرف انها مينفعش ترتبط بحد بعلاقة غير رسمية وترجع لما يسيبها تقول انا اتجرحت وياااااااااه الناس وحشين ومش
.
كويسين سعتها لازم تفتكر ان مفيش حد غلط فى حق نفسها غيرها لانها مكنتش عارفه قيمة نفسها فى الوقت دا
.
ومكنتش تعرف قد ايه هى غالية وعارفه والله ان الكلام دا كله بحكمه الخبرة والسن بس المبدا بيفرق كتير مع البنى ادم .
.
لو ع الحب اكيد مش حرام وحنا الى بنخلى كل حاجة فى حياتنا تروح طريق صح وتروح برده بايدينا طريق غلط احنا الى نقدر نعمل دا.
.
من رايى الشخصى ان الارتباط الى ربنا راضى عنه هو اكتر ارتباط ممكن يقوى والحب الى بين الاتنين دول يزيد ويفاضل مستمر
.
طول العمر .
.
ان ربنا يكون مدينى حق ومعرفنى قمية نفسى وانا استغنى عن الحق دا يبقى اكيد دا مش غباء من اى حد غير انا .
.
ودى مش فلسفة ولكنها افكار موجوده بينا ولازم نفكر نفسنا ونذكرها عشان نفوق .
.
(فذكر انما الذكره تنفع المؤمنين)
.
صدق الله العظيم
.
------------------------------------------------------------------------------
.
بقلمى : shemo

23 التعليقات:

جوجو يقول...

السلام عليكم

ازيك ياشيمو ؟
بجد البوست ده هايل عندك حق فى كل كلمة قولتيها احنا اللى بأيدنا نختار طريقنا اللى هنمشى فيه عجبتنى قوى طريقة تفكيرك واسلوبك
تحياتى

Tamer Moghazy يقول...

شيمووو...
انت فعلا غالية.بأفكارك..

وبعدين ايه حكاية خروجة..وراس السنة والحاجات دي كلها..؟؟
هو احنا مش عندنا مذاكرة ولا ايه يا شيمووو..؟ (';')

طبعا باهزر :)

shoshta_ joker يقول...

السلام عليكم....
لجوجو ....انا الحمدلله يا جميل بخير
شكرا يا جميل ع الزيارة
ويارب اكون فعلا عارفت اوصل الى عاوزة اقوله
وطمنيى عليكى دايما
ودعواتك
فى رعاية الله
shemo

shoshta_ joker يقول...

السلام عليكم....
لtimo......
ربنا يخليك يا تيمو وبجد ليك وحشة ياراجل محدش بيشوفك ليه
بس كويس انى نزلت بوست جديد عشان نشوفك هنا
وع الخروجات معلش باه حبة رفاهية
عشان قربت اتخنق هههههه.... عارفه انك بتهزر ههههههه
دعواتك باه
دومت بخير
فى رعاية الله .
shemo

أبو العريف يقول...

ازيك يا شيمو

كلام جميل وطبعا الاسلام كرم المرأه

وعمر ما كان الحفاظ علي المراه تقليل من شأنها

ولكن رفعه ليها وفعلا

انت غاليه

شاب فقرى يقول...

اخر مرة حاولت أفهم بنت الكلام دا

الكلام وصل لاخوها

وخلاها تمشى فى طريق مستحيل يجمعنا

مع انى والله كنت بكلمها لوجه الله وبنصحها لوجه الله ولانها غلبانة وتايهة ومش عارفة عايزة ايه

وسبحان الله عمل كدا وانا مفيش بينى وبينها اى حاجة


فبقيت بقول كلمة انتى غالية من خلال التعامل

الدين معاملة

وكل حاجة بتطلع من المعاملة

بس كدا

شكرا بجد عالمقال

بنات كتير اوى محتاجاه

شاب فقرى

shoshta_ joker يقول...

السلام عليكم....
لابو العريف ..
زيارتك غالية عاليا اوى
وفعلا اسلامنا هو اول ما ادى المراءة حقوق كتير واحنا الى مش عرفنها كويس عشان كدا مش عارفين نستخدمها عشان نحافظ ع نفسنا
ومرسى ع مرورك ويارب يديم التواصل والود
دومت بخير
فى رعاية الله .
shemo

shoshta_ joker يقول...

السلام عليكم...
لشاب فقرى ....
مرسى ع مرورك بجد
انت من الناس الى بحترم فكرهم اوى وبقدر رايك ويهمنى جدا
اكيد انت متعرفش هو بيفكر ازاى او خد كلامك دا لاخته باى شكل الله اعلم
المهم فعلا زى ما قولت انك توضح للى حواليك دينك واخلاقك بالمعاملة عشان فعلا زيى ما قولت الدين معاملة
وشكرا ع رايك فعلا
واتمنى فعلا انى اكون عرفت اوصل الى بفكر فيه وفيدت حد
اتمنى الزيارة تتكرر ويدوم التواصل
دومت بخير
فى رعاية الله .
Shemo

Cute Kitty **sookra يقول...

زورتينى ووعدتك ازورك وادينى رجعت
انتى غاليه بجد ولو كل بنت فكرت زيك كدا حاجات كتير هتتغير
ربنا يقويكى ويوفقك ياتوتا ياعسوله
ربنا معاكى

shoshta_ joker يقول...

السلام عليكم...
لsookra....
فعلا وعدتينى ووفيتى بوعدك زيارتك غالية عالية
وانا كمان حوفى بوعدى وزيارتى ليكى ......
وايه اخبار الامتحانات معاكى ....
وربنا يعزك يارب....
وفعلا والله البوست مش فلسفة ولا كلام وخلاص بس تعبير ع ان الى حاسيته من تفكير كتير من جيلنا ....
حستنى تزورينى دايما ....
دومتى بخير
فى رعاية الله
shemo
ويارب اكون عرفت افيد اى حد ولو بحاجة صغيرة ....

غير معرف يقول...

(فذكر انما الذكره تنفع المؤمنين)

البوست تحفه.

انا غالى :D

ربنا يفتح عليكى كلامك صح فعلآ

صوت المراءه اصلآ حرام حد يسمعه.

♥نبع الغرام♥♪≈ يقول...

حبيبتى


وحشتينى اووووووووووووووووووووووى
اخبارك ايه يارب تكونى بخير ربنا طمنى عليكى يارب ولا يحرمنى منك خالص مالص
متشكرة سؤالك عنى يا غاليه

متعرفيش قد ايه انتى جمله وانا بحبك


ماشاء الله عليكى شيمو انتى اغلى من اى شىء بالدنيا
بتمنالك السعاده من كل قلبى
بحبك اوووووووووووووووووووووى

طوبه فضه وطوبه دهب يقول...

برافو عليكى يابنتى والله عشره على عشره وتمام اوى اوى ربنا يهدينا جميعا الى مايحبه ويرضاه

-_- يقول...

للاسف مش كل البنات فاهمينها


شارم لايف
www.sharmlifeblog.com

المجاهد الصغير يقول...

السلام عليكم
كلمات جميله حبيبتى
بجد جزاكِ الله خيرا
وفقكِ الله لما يحبه ويرضاه
دمتى فى رعايه الله
اول زياره وان شاء الله يبقى التواصل

000000000000000

شاركنا حمله مليون توقيع تضد جدار العار
لا للجدار لا للحصار
http://www.amlalommah.net/nogedar/

amirelhob يقول...

ومين يسمع ؟

بوست حلو يا غاليه
قصدى يا شيمو مع انك فعلا تستحقى كلمه غاليه لانك بجد من الناس المحترمين واللى بجد قليل نلقيهم بوست حلو جدا ومعنى جميل اوى خاصه لما يطلع من بنت وهى اللى نرشحه وتقوله و من قلبى بجد بقولك برافو
وبتمنلك كل خير وسعاده و صحه وتوفيق وفرح وابتسامه تدوم يا رب طول العمر

واسف على تاخيرى فى زياره مدونتك الجميله يا اجمل شيمو

shoshta_ joker يقول...

السلام عليكم...
لمستخلص افندى....
ويفتح عليك يارررررب
واكيد انت غالى يعنى وزيارتك كمان غالية عليا هههههههه
حستنى زيارة تانية
دومت بخير
فى رعاية الله
shemo

shoshta_ joker يقول...

السلام عليكم...
لابتسامة ملاك....
انوووووووسة حبيبة قلبى
وانتى كمان والله وحشانى اوووووووى
ومش تشكرينى ع السؤال ولا انا مش اختك الصغيرة هاااااااا
يارب دايما انتى تكونى بخير
وانا كمان بموووت فيكى يا قلبى ربنا يخليكى يارب ومش يحرمنى منك ابدا
وطمنينى عليكى ع طوال ومش تغيبى
بحبك اووووووووى امواااااه
دومتى بخير
فى رعاية الله .
shemo

shoshta_ joker يقول...

السلام عليكم....
لطوبة فضة وطوبة دهب ....
امين يارب ياكتكوتة
ليكى وحشة ع فكرة
دومتى بخير فى رعاية الله
shemo

shoshta_ joker يقول...

السلام عليكم....
لsharm.....
ربنا يهدى الجميع
مبروك ع المدونة وان شاء الله وعد بالزيارة وربنا يديم التواصل والود
دومت بخير
فى رعاية الله
shemo

shoshta_ joker يقول...

السلام عليكم....
للمجاهد الصغير ....
شرفتنى زيارتك
واللهم امين
ويارب الزيارة فعلا تتكرر ووعد بزيارة عندك باذن الله
دومت بخير
فى رعاية الله .
shemo

shoshta_ joker يقول...

السلام عليكم....
لamirelhob....
وربنا يخليك بجد ياعمور
والحمدلله بجد انى البوست عجبك رايك دايما بيهمنى وانت من الناس الى بجد بحترمهم وربنا يديم التواصل يارب بينا دابما ....وولايهمك ع الغياب بس يارب يكون فى عزر مش زيى كل مرةويارب تكون بخير و تنفذ الوعد بتاع عدم الغياب ....دومت بخير
فى رعاية الله .
shemo

miroooo يقول...

السلام عليكم
ازيك يا شيمو؟ وحشانى جدا جدا
البوست رائع بجد ياريت كل البنات يكونوا عاقلين زيك بس قوليلى جبتى العقل ده منين؟ ههههههههه
ياريت تدعيلى واعذرينى لانى غبت عليكى الامتحانات بقى
تحياتى


حقوق النشر محفوظه لمدونه™ shababik