الخميس، 31 ديسمبر 2009

happy new year +اطرف ما انتهت بيه 2009+عزاء


السلام عليكم
ع الرغم من انى مش من الناس الى بتحتفل براس السنة والحجات دى
بس جيت اقولكم كل سنة وانتم طيبيبن يارب والسنة الجاية كل واحد يعرف يحقق الى معرفش يحققه
فى 2009 وكل سنة وربنا رافع راية الاسلام فى كل انحاء الارض , واكيد الكل بيحلم السنة الجاية يكون
حكام العرب اتحدوا ونعرف باذن الله نحرر المسجد الاقصى عارفه انه حلم بعيد شوية بس نامل انه يتحقق
قريب .
----------------------------------------
وبمناسبة السنة الجديدة وان هم يضحك وهم يبكى هرغى معاكم شوية واحكيلكم ع كام موقف بجد متهيئليش
انى ممكن انساهم وخصوصا انهم حاصلوا فى اخر يوم فى السنة انهرده بالظبت قبل ما اكتب البوست بحوالى 3
4 سعات .....
اليوم فاضى عادى واعده فى البيت واتخنقت من الروتين بتاع كل يوم فقولت اخرج وياريتنى مخرجت ولا حبيت
اكسر الروتين حتى هههههههههه اول مفجاة تحاصل فى اول الخروجة .
الموقف الاول
(ماشية فى امان الله وبتكلم مع اختى وبنت عمى والدنيا كانت زحمة جدا المهم تليفون اختى رن
ففتكرت انى عوزة اعمل مكالمة فبفتح الشنطة عشان اطلع التليفون كانت المفجاة وادور ع التليفون
مش موجود التليفون ووووووواااااااااءءء ايقنت باه ان التليفون اتسرق ايوه اتسرق والخروجة ابتدت
بالموقف اللطيف دا المهم وارن ع التليفون فثوانى اتافل المهم بجد اتحرق دمى بشكل التليفون دا ع الرغم انه
مكنش قيم اوى بس كان غالى عليا اوى عشان كان جيلى هدية من خالى وخلاص شوية وحعيط ويقولول خلاص
حتعملى يعنى خد الشر وراح وانا قلبتها غم وحبوظلهم الخروجة قولت الم الدور باه حعمل ايه فعلا خلاص هو راح
وربنا يعوض عليا وووواااااءءء مصعبتش ع حد طبعا لو حد عنده تليفون زيادة يسلفهولى شوية ع بال مجيب
واحد جديد هههههه ) .
الموقف التانى
(خلاص الموقف الى فات عدى والدنيا مشيت عادى , مشيين فى امان الله وجات وحدة ست شحاته
المهم عايزة فلوس وكده اختى اديتها وخلاص مشيت شوية ووقفنا نتفرج فى محل ع لبس ولقيت الست
جاية تانى وربنا يستر حاجة لله وربنا يكرمك ياست الله يسهلك مفيش وربنا يرزقك مفيش ولا مقصر
معاها حاجة والغريب كل الشحتين الى شوفتهم فى حياتى تقولهم الله يسهلك يمشوا دى لا لزقت قولت امشى
انا باه راحت الست ماشية ورايا ومسكانى من ايدى وربنا يكرمك ومش راضية تسيبنى وانا حموت من الضحك
ومش قادره امسك نفسى وهى شغاله دعاء , انا اساسا ضد ان حد يدى فلوس للناس الى بيشحتوا فى الشارع
دول لاننا كدا بنشجعهم اكتر انهم يتمدوا فلى بيعملوا فى وسائل كتير ممكن الناس تساعدهم بيها لو هما محتاجين
غير انهم يطلبوا بالشكل الى مش فى كرامة دا ).
الموقف التالت
( واحنا رجعين باه نازلنا من الترام والمسافة بينه وبين البيت مش تاخد حوالى ربع ساعة كده عشر
دقايق بس كنا خلاص مش قادرين نمشى ومفيش مواصلات فى السكة دى غير المواصلة العجيبة الجديدة
دى الى اسمها توكتوك المهم امرنا لله نركب وخلاص حنعمل ايه يعنى والمهم وصلنا عند البيت
ع اول الشارع وبندى للراجل2 جنية واحنا نازلين مسافة صغيرة جدااا طلع استغلالى لا عاوز كمان2 جنية
عليهم وقولتله دا ع اساسا اننا مثلا راكبين تاكسى ولا ايه قالى هو كدا وانا باه مكرهش حاجة فى حياتى قد
الاستغلال وافلت معايا ان مفيش غير 2 جنية دول وراجل دماغه والف تيييييييييت انه ميمشيش غير لما
ياخد 2 جنيه كمان قولتله انت حر المهم يقولولى يابنتى خلينى نخلص ونمشى نديله الفلوس وخلاص وهى مرة
وتعدى وانا ابدا ورحت قولتلهم يلا وسيبناه ومشينه اعد ينادى ويزعا قولتله مع نفسك باه . )
----------------------------------------------------------
تقريبا الناس كلها كانوا مستقصدينى انهارده هههههههه
يلا كل سنة وكل المدونين بخير وكل سنة وعالم التدوين
احسن.
--------------------------------------------------------
عزاء :
ابن خال الجوكر من فريق شباب اون لاين توفى البقاء لله يا جوكر وربنا يرحمه يارب ويسكنه
فسيح جناته ويارب تكون اخر الاحزان باذن الله .
------------------------------------------------
بقلم shemo
اخر يوم من 2009
31\12\2009
وليلة راس السنة 2010 .

21 التعليقات:

ЯậŇ MỗŘỹ يقول...

السلام عليكم و رحمة الله و بركاته
ما تزعليش يا شيمو على الموبايل ان شاء الله هتجيبى واحد جديد و يكون شكله عسول هو أكيد اللى يزعل انه هديه بس عسى أن تكرهوا شيئا و هو خير لكم
كل سنه و انتِ طيبه
ربنا يوفقك

miroooo يقول...

كل سنه وانتى طيبه يا شيمو والسنه الجايه تكون اظرف من كدا بكتير ان شاء الله انا اول تعليق عايزاكى تكتبر عريظه تباركيلى فيها ههههههههههههه بحبك

miroooo يقول...

بعد كده ماتخرجيش من بيتك تانى خالص اقعدى ذاكرى
ادى جزاه اللى مايسمعش كلام ماما وبابا هههههههههههههه
happy new year

صوت من مصر يقول...

كل سنه وانتى طيبه
لا تنزعجى فانه مجتمع

جوجو يقول...

السلام عليكم

ازيك ياشيمو ؟ ليكى وحشة والله

كل سنة وانتى طيبة ياجميل ويارب كده تكون سنة قشطة عليكى

تحياتى

بسمة انور يقول...

كل سنة وانتى طيبة يا قمرايه
سنة سعيده عليك ان شاء الله

amirelhob يقول...

شوفتى السنه الجديده بدايتها معبره وحلوه ازاى بدايه مفيش اجمل من كدا سرقه وشحاته واستغلال هتبقى سنه الجوع تقريبا

الله ينور عليكى طمنتينى على مستقبل مصر

على العموم يا قمر تعيشى وتاخدى غيرها ومن قلبى بتمنى بجد اللى حصل دا ميتكررش تانى وبتمنلك كل خير وسعاده وصحه وتوفيق وفرح وابتسامه تدوم يا رب طول العمر

اقصوصه يقول...

سنه سعيده

زاخره بطاعة الرحمن

اتمناها لك :)

أبو العريف يقول...

كل سنه وانت طيبه وربنا يحققك كل احلامك

انا عن نفسي عندي موبايل

ملوش حل

لو عايزه تعرفي مواصفاته هتلاقيها هنا

http://maknaiel.blogspot.com/2009/01/blog-post_29.html

كرسي أعتراف يقول...

ههههههههه
نصيحتي لك بعدم الخروج في مثل هذا الزحام مرة أخري

وأحترسي

وتقبلي مودتي

Cute Kitty **sookra يقول...

اولا
شكرا على زيارتك نورتينى ويارب موش تبقى الاخيره
ثانيا انا قلت اصبح بس راجعه تانى اقرا بتمعن كدا عشان عندى امتحانات
ههههههههههه
شوفتى حتى الكبار عندهم امتحانات
ربنا يوفق الجميع
هابى نيو يير

shoshta_ joker يقول...

السلام عليكم...
لروح بلا فرح....
وعليكم السلام ورحمة الله وبركاته
الحمدلله يا حبيبى قدر الله وما شاء فعل ودعواتك باه
وكل سنة وانت بالف خير يارب
دومتى بخير ...
فى رعاية الله ...
shemo

shoshta_ joker يقول...

السلام عليكم...
لmiroooo.....
وانتى طيبة يا ميرو يارب وبالف صحة
مش اول تعليق بس ولا يهمك يا ستى دا التانى حلو برده هههههههه
وحاضر سمع كلامك مش حخرج تانى انا اساسا حرمت اخرج وكرهت الخروج بسبب اليوم اللطيف دا ....
دومتى بخير
فى رعاية الله....
shemo

shoshta_ joker يقول...

السلام عليكم...
لصوت من مصر.....
وانت طيب يا كيمو
وعندك حق انه مجتمع مش غريب الى بيحاصل يعنى
دومتى بخير
فى رعاية الله
shemo

shoshta_ joker يقول...

السلام عليكم....
لجوجو ...
وانتى طيبة يا جوجو والله انتى كمان ليكى وحشة
يارررب وعليكى انتى كمان تكون سنة احلى من الى فاتت كتير...
دومتى بخير
فى رعاية الله
shemo

shoshta_ joker يقول...

السلام عليكم...
لبسمة انور ....
وانتى طيبة يا جميل
ويارب سنة سعيدة ع كل المسلمين يارب
دومتى بخير
فى رعاية الله
shemo

shoshta_ joker يقول...

ألسلام عليكم....
لamirelhob.....
معلش باه يا عمورر ماهو الفقرى فقرى كدا دايما هههههههه
وبعدين انا حبيت افضفض شوية معاك وطلع الغل الى كان جوايا والزهق
ولا اطمن اكيد حظك احسن من حظى ان شاء الله ويارب دا يكون بس نهاية السنة القديمة ومتكونش دى بشاير السنة الجديدة ربنا يستر
وكل سنة وانت طيب يا عمور
دومت بخير
فى رعاية الله
shemo

shoshta_ joker يقول...

ألسلام عليكم....
لاقصوصة ....
وانتى طيبة يا جميل
وامين يارب تكون سنة زاخزة بطاعة الله
دمتى بخير
فى رعاية الله
shemo

shoshta_ joker يقول...

السلام عليكم...
لابو العريف ....
وانت طيب يا يارب وبالف صحة وخير
وشوفت موصفات الموبيل وجامد جدا
هههههههههه لو جيبت واحد زية حاعد اعيط ع القديم كتيررر ههههههههه
دومت بخير
فى رعاية الله .
shemo

shoshta_ joker يقول...

السلام عليكم....
لكرسى اعتراف ...
ههههه ومرسى ع نصيحة بس كانت تيجى بدرى شوية ههههههههه بس انا خلاص حرمت اخرج فى الزحامة
وشكرا ع مرورك ويارب يتكرر دايما
دومتى بخير
فى رعايةالله
shemo

shoshta_ joker يقول...

السلام عليكم...
لsookra....
ربنا يخليكى يارب وان شاء الله مش تبقى الزيارة الاخيرة وانتى كمان نورتينى هنا واتنمى دوام التواصل والود
وبرحتك يا جميل مستنياكى تقراى بتمعن وتقوليلى رايك
وربنا معاكى يارب فى الامتحانات والله انا بحسد الى بيمتحنوا دلوقتى عشان حيخلصوا اما انا فدعواتكم باه اعده لاخر الترم عشان الثانوية وربنا يوفقك الجميع امين يارب
وهابى نيو ير
دومتى بخير
فى رعاية الله...
shemo


حقوق النشر محفوظه لمدونه™ shababik