السلام عليكم
جاية اسلم عليكم وحشتونى اوى مضيقة شوية بس مش جاية اضيقكم
عاوزة اوريكم صور ممكن يكون كتير منكم راحوا المكان دا بس المختلف
فى اليوم ده ان صورت فيه الصور دى كان يوم حلو جدا لاننا كنا بنتصرف بجنان
كان معايا المشرفة التانية لمدونة
مصر فى خطر (Sara)
احنا مش صحاب بس احنا
قريب كمان واخويا واخوها .اعدين فى امان الله بنتسحر والجو تحفة فوق السطح
طلعت فى دماغنا اننا
نخرج بكره بدرى عشان هى ماشية تانى يوم قولنا مش حنام اعدنا لحد الفجر صلينا
واعدنا نرغىىى كتيرما ادراكم وما رغى البنات هههههههه المهم جات الساعة
7 لبسنا وماشينا. ماشيين من البيت اساسا عايزين ننام بس جنان باه وخلاص
روحنا مكتبة اسكندرية كان يوم حلو اوى صورنا الصور دا واتفقنا اننا حنزلها
بوست مشترك فى المدونتين يعنى حتلاقوا نفس البوست دا هناك .
رجعنا الساعة 3 العصر هما راحوا ناموا وانا رحت الدرس وكان عندى كيميا
وااااااااااااء بقيت بحقد عليهم ههههههههههه كفاية رغى باه .
واسيبكم تشوفا الصور .
جزء من المكتبة من جوا
لوح حجرى كده عجبنى شكله
عجبنى شكل المكتبات ورا بعض
تماثل عجبنى ومحدش يسئل بتاع مين ههههههه
غلاف كتاب عجبنى شكلة ومحدش برده يسئل
عن ايه عشان مقراتش حاجة فيه هههههههه
جزء من المكتبة الدور الموازى للارض
القبة السماوية من بره
shemo
18 التعليقات:
nice day
وكويس انكم اتبستطوا
^_^
ازيك يابت ...عمله ايه ...
بس علفكرة انتي اخدتي صور حلوووة قووي ..ربنا يعني وانا بختار اللي باقي
ولا يهمك بس بجد جنااان
بس كااان يوم ..تهيييييس ...
نفسي نعيده
ازيك يا شيمو ....
بجد الصور حلوه اوى
وكويس انكوا اتبسطوا
شكرا ليكى وكل سنه وانتى بخير
الصور جميله اوى بس انتم بجد مجانييييين بس ربنا يوفقك وينجحك يارب ولما تحبى تتجننى ابقى قوليلى اتجنن معاكى بدل ما انا قاعده فى البيت سلامووووووووووز
السلام عليكم
ازيك ياقمرى اخبارك ايه يارب تكونى بخير وكل سنه وانتى طيوبه بمناسبة حلول عيد الفطر المبارك اعاده الله عليكى وعلى الامه الاسلاميه بالخير واليمن والبركات
وجميله قووى الصور ربنا يسعدكم يارب ويوفقكم
دمتى بكل خير
امووووووووووووووووواه
تحياتى انوسه
ربنا يخليكوا لبعض ويكتر من رحلاتك المجنونه :p
السلام عليكم
فسحة سعيدة ياشيمو ايه الناس الرايقة ده ههههههه مش بقر
ربنا يخليكو لبعض يارب
تحياتى
كل عام وانتم بخير
يسعدنى ان نتشرف بزيارتك لجمهورية شومبونجو العربية المتواضعة
ونأمل ان نكون من الدول الصديقة
............
رئيس الجمهورية
السلام عليكم
كل سنه وانتى طيبه يا حبيبتى
عيد سعيد عليكى يارب وعلى كل حبايبك
السلام عليكم......
لsafa7_karmooz.........
الحمدلله كان يوم حلو .......دومت بخير ...مرسى على الزيارة .
shemo
السلام عليكم....
ل جمهورية شومبونجو العربية......
مرسى على المرور ويارررررب يتكرر.......وان شاء الله حزورالجمهورية.......دومت بخير....فى رعايةا لله.
shemo
السلام عليكم.....
ل ليس فقيرا من يحب.......وانتى طيبة وبالف صحة وسلامة .......يارررررب دعواتك وربنا يتقبل......دومتى بخير...فى رعاية الله.
shemo
السلام عليكم.....
لطلاب من اجل مصر.....
معلش باه ياسرسورة حد قالك تقوليلى نزلى انت البوست الاول هههههههههه ندالة باه تعملى ايه ههههههههههه .......بس فى صورة تانية حلوة والله........كان يوم حلو فعلا ..ان شاء الله تيجى ونعيده تانى.....دومتى لخير ....فى رعاية الله.
shemo
السلام عليكم....
همس الارواح!!......انا الحمدلله تمام
مرسى على رايك شرفنى ويارب الزيارة تتكرر.....وكل سنة وانتى بالف صحة وسلامة .....دومتى بخير.
shemo
السلام عليكم......
لmirooooo.....
ربنا يخليكى يا ميرو ... بجد بفرح بتعليقك......والجنان سعات بيبقى ممتع ههههههه......دومتى بخير.....فى رعاية الله.
shemo
السلام عليكم......
لعاشقة الاحزان .....
بجد وحشانى مووووووووت يا حبيبى .....الحمدلله انا تمام بجد مرسى انك بتسئلى ...وكل سنة وانتى طيبة وبالف صحة وسلامة ......دومتى بخير....فى رعاية الله.
shemo
السلام عليكم......
لحسن حنفى .......
ويخليك يا حسن كل سنة وانت طيب.......وبجد مرسى اوووى على السؤال دايما .....وربنا يوفقك ويكرمك فى كلية يارب وحياتك الجديدة...دومت بخير....فى رعاية الله.
shemo
السلام عليكم.....
لجوجو....
ازيك يا جوجو والله حبة كده يعنى جنان بيبقى حلو سعات ....ولا ما انا عارفه انك مش بتقرى هههههههه.......يارررررب يا جوجو....دعواتك....دومتى بخير....فى رعاية الله.
shemo
إرسال تعليق