shbabik

from king kong

2012-02-05T17:33:00.000-08:00

هكذا تكون الصورة ....عندما أكون بين يديك

أشعر ان حجمى متناهى فى الصغر

وأنك فى عينى بذلك الحجم ...

حجمك ...بتلك الضخامة ...أشعر أن رجولتك

وحنانك وطفولتك ...أحتوائك ...وتفكيرك وثقافتك ..قيمتهم

تجعلك ....فى عالمى بتلك الضخامة ....أتعرف حبيبى

أشعر ..وقتها ...أن العالم ..لا يحوى سوانا ...أنا وأنت .

فوجودك فى عالمى تخطى أدراك الحروف

وأستطاع خرق قوانين الحب

لأننى ع قناعة ...أن ليس للحب قوانيين .

_____________________________

بقلمى shemo

مليوووووووووووون مبروووووووووك

2012-01-19T13:04:00.000-08:00

ألف مليووووووووووووون مبروك لأحلى ميرا فى الدنيا

صحابة مدونة ميرا...مار ع خطوبتها هى وهانى

ربنا يجمع بينكم ع خير ياررررررب يا ميرا

وعقبال الفرح يارررررب

.....

وعقبالى انا كمااااااان اميييييييييين

ياررررررررررررررررررررب.

________________________

shemo

معايير الشهره

2011-12-30T10:42:00.000-08:00

1- اختيار جانب ع الساحه

2- التعصب له

3- تطلق افكار مسانده لاختيارك

4- تقوم بعمليه تضحيه

(تبان ضعيف ومتهض)

5- استخدم وسائل الاتصال لبدء ظهورك كاضحيه

(فيس+تويتر+يويتوب)

6- تصعيد الظهور للاعلام التلفزيونى وهما هيكملوا

7- عند اول ظهور ليك تروح شاتم فى الجانب الاخر

8- هتبقى من جانب بطل ومن جانب اخر زباله

9- ظهور ناس متعطفين معاك ويشجعوك

10- مبروووووك بقيت مشهور فى مصر

joker

كيف لهم ذلك .....؟؟؟

2011-12-01T10:42:00.000-08:00

أكبر درجات الظلم فى الحياة .....عندما تظلم نفسك....

عندما ....تضع نفسك أمام أختيار واحد فقط...

وتقرر ان تقضى حياتك فى تجربة واحدة... فاشلة...فحجة انه لا يوجد غيرها .

تستهلك أعصابك ونفسيتك وذاكرتك ومجهودك

مع شخص ليس بأهلا ان يقدر مجهودك

او حتى عمرك الذى افنيته بجانبه

ولا يقيم تقديرا لما بينكم ....من أبناء وعشرة وحياة دامت لسنوات .

أتامل كثيرا حياة من حولى ...كيف يعيشون ,,,ويرضون ان يضيعون عمرهم هكذا ؟؟؟؟؟

بين الندم والمرارة ...والحزن والأكتئاب .....

كيف لهم لايقدرون نعمة الحياة ....؟؟؟

ويرضون بما يطلقون عليه ....

الامر الواقع .

كيف لهم يتحملون ما يعانونه ....ولماذا ؟؟؟؟؟

كيف لهم ذلك ونحن لانملك غير عمر واحد ....

وحياة واحدة...غير قابلة للتجديد .

_______________________________________

عندما أتأمل

shemo

شقيقتى...أفتقدك.

2011-09-09T21:47:00.000-07:00

نعلم كم ان الفراق قاسى لكننا لا ندرك معناه الا عندما نفارق من ولدنا ووجدناهم

فعرفنا الحياة معهم .

اعلم انها سنن الحياة ولكن كم هى حقا قاسية و بشدة .

نتخاصم ونتشاجر ولكن يبقى يجمع بيينا اقوى رابط فى الوجود وهو رابط الدم .

كم جمعت بيننا حجرة واحدة ووسادة واحدة وكم تشاجرنا فاختيار ملابسنا

وجلسنا كثيرا لنحكى همومنا وبعد دقائق ينقلب الهم بيننا ضحك وقهقهه .

اندم الان ع ضياع ولو بضعة ساعات بدونك شقيقة عمرى .

لكن يدعم ندمى احساسى بالفرح لاننى رأيتك امس بملابس عورسك

كم كنتى تشبيهين ملائكة السماء (رعاكى ربى وحماكى حبيبتى ).

كم افتقدك الان رفيقتى

___________________________________________________________________

بكل ما بداخلى من مشاعر وحده واحتياج

بأحساسى shemo

عيد سعيد علينا ياقلبى

2011-08-29T13:45:00.001-07:00

كل سنة وانت طيب يا حبيب قلبى

وياررررررب كل ايامنا تبقى اعياد واحنا مع بعض

وكل سنة وانت أطيب وأحن راجل فى دنيا

كل سنة انت حبيبى وصديقى وصحبى واخويا وابويا وكل اهلى وناسى

كل سنة واحنا دايما مع بعض وربنا ما يفرقنا ابدا يارررب

وعقبال ياررررب ما يجى علينا العيد واحنا فى بيتنا بأذن الله

ربنا يخليك ليا وميحرمنيش منك ابدا يااغلى من نفسى

_______________________

عيد سعيد ع كل المدونين وع المسلمين اجمعين

ويارب السنة الجاية كل الناس تبقى محققه الى هى بتحلم بيه

امييين يارررررب

العالمين

___________________

بكل الفرحة الى جوايا

بكل أحساسى بيك

بقلمى

shemo

ليلة القدر

2011-08-26T17:37:00.000-07:00

اللهم ارزقنا الاستجاب فى هذه الليلة المبارك يارررب العالميييين .

(وحدك ربى انت ولى وحسبى فنصرنى وأرحمنى

ولا تشمت بى عدوى و لا تخيب لى ظنونى وأملى

وأستجب لى دعائى وحفظ لى من أحببته فيك

ورغبت فيه رضاءك لا أن أعصيك

وأرزقنى لذة وعفنى بحلالك ولا تبتلينى بالوحدة والعجز والكسل

وأسترنى فوق الارض وتحت الارض ويوم العرض عليك يا أرحم الراحميين ......)

اللهم ارحمنا واغفر لنا وتوب علينا فى هذه الليلة المباركة

اللهم انصر المسلمين فى كل مكان وعلو كلمتى الحق والدين

اللهم ارزق شباب المسلمين زوجات صالحات

ورزق بنات المسلمين ازواجن صالحين

اللهم اميييييين

______________________

بقلمى shemo

)( فى رحاب النبوة -2-الحيوانات !!

2011-08-16T13:01:00.000-07:00

السلام عليكم

بعتذر ع التأخير فى تنزيل البوست دا
بس الاسباب خارج ارادتى
النت كان فاصل ومكنتش عارفة السبب اية
وطلع ان الفار منه لله اكل السلك ههههه
______________________

من صارت المهارات الحسنة ديدنه تحولت لى طبع يخالط دمه وعقله
لا يتفك عنه ابدا , فتجده دائما لينا , هينا , رفيقا , متحملا ,عطوفا مع كل احد,حتى مع الحيوانات
والجمادات .

فى يوم راى الرسول صلى الله عليه وسلم قرية نمل قد أحرقت فقال :(من أحرق هذه؟) قال بعض الصحابة :أنا .فغضب وقال :(لا ينبغى ان يعذب بالنار الا رب النار).

وكان صلى الله عليه وسلم من رأفته اذا توضأ وأقبلت اليه هرة أصغى لها الاناء فتشرب ,ثم يتوضأ بفضلها .

ومر صلى الله عليه وسلم يوما ع رجل ملقيا شاة ع الارض ,قد وضع رجله ع صفحة عنقها ممسكا
لها يذبحها وهو يحد الشفرة ,وهى تلحظ اليه ببصرها ,فغضب صلى الله عليه وسلم لما راه وقال:(أتريد ان
تميتها مرتين ؟هلا حددت شفرتك قبل ان تضجعها ؟)

ومر يوما برجلين يتحدثان ,وقد ركب كل منهما ع بعيره , فلما راهما رحم البعيرين
ونهى ان تتخذ الدواب كراسى ,يعنى لا تركب البعير الا وقت الحاجة فقط
فاذا انتهت حاجتك فانزل ودعه يرتاح ,ونهى صلى الله عليه وسلم عن وسم الدابة فى الوجه .

اشارة

الله أكرم الانسان .
لكن ذلك لا يفتح المجال له لاضطها بقية المخلوقات.
__________________________________
من كتاب
استمتع بحياتك
لد\محمد عبدالرحمن العريفى

SHEMO

فى رحاب النبوه -1- (مع الفقراء)

2011-08-04T20:29:00.000-07:00

عدد من الناس اليوم أخلاقهم تجارية, فالغنى فقط هو الذى تكون نكته طريفة فيضحكون عند سماعها

وأخطاؤه صغيرة فيتغاضون عنها .

أما الفقراء فنكتهم ثقيلة ويسخرون بهم عند سماعها,وأخطاؤهم جسيمة,يصرخ بهم عن سماعها.

أما رسول الله (ص) فكان عطفه ع الغنى والفقير سواء.

قا ل أنس رضى الله عنه :كان رجل من أهل البادية اسمه زاهر بن حرام,وكان ربما جاء المدينة فى حاجة فيهدى للنبى (ص)

من البادية شيئا من أقط أوسمن ,فيجهزه رسول الله (ص) اذا اراد ان يخرج الى أهله بشىء من تمر ونحوه.

وكان النبى (ص) يحبه وكان يقول :(ان زاهر باديتنا ,ونحن حاضروه).وكان زاهرا دميما.

خرج زاهر رضى الله عنه يوما من باديته,فاتى بيت رسول الله (ص) فلم يجده وكان معه متاع فذهب به الى السوق

فلما علم به البنى (ص) مضى الى السوق يبحث عنه ,فأتاه فاذا هو يبيع متاعه, والعرق يتصبب منه ,وثيابه ثياب

أهل البادية بشكلها ورائحتها.

فاحتضنه (ص) من ورائه , وزاهر لا يبصره ,ولا يدرى من أمسكه , ففزع زاهر وقال :أرسلنى ,من هذا ؟ فسكت النبى (ص).

فحاول زاهر ان يتخلص من القبضة , وجل يلتفت وراءه , فرأى النبى (ص) فاطمأنت نفسه ,وسكن فزعه .

وصار يلصق ظهره بصدر النبى (ص) حين عرفه ,فجعل النبى يمازح زاهرا ,ويصيح بالناس يقول :من يشترى العبد؟

من يشترى العبد؟ فنظر زاهر فى حاله . فاذا هو فقير كسير , لا مال ولا جمال .

فقال : اذا والله تجدنى كاسدا يا رسول الله .

فقال (ص): لكنك عند الله لسه بكاسد , أنت عند الله عال .

فلا عجب ان تتعلق قلوب الفقراء به (ص) وهو يملكهم بهذه الاخلاق .

كثير من الفقراء قد لايعيب الاغنياء البخل عليه بالمال والطعام , لكنه يجد عليهم بخلهم باللطف وحسن المعاشرة .

وكم فقير تبسمت فى وجهه و أشعرته بقيمته وأحترامه _فرفع فى ظلمة الليل يدا داعية يستنزل بها لك الرحمات من السماء.

ورب أشعث أغبر , ذى طمرين , مدفوع بالابواب لايؤدبه له_لو أقسم ع الله لأبره .

فكن دائم البشر مع هؤلاء الضعفاء .

اشارة

لعل ابتسامة فى وجه فقير

ترفعك عند الله درجات.

___________________________________

من كتاب (استمتع بحياتك)

لدكتور محمد عبدالرحمن العريفى

_________

من قراءاتى shemo

رمضان كريم +خبر + عفوا سيدى

2011-07-31T23:54:00.000-07:00

السلام عليكم

رمضان كريم والله أكرم

كل سنة وأحنا كلنا بخير يارررررب

وربنا يعود علينا الأيام دى بخير دايما امييين ياررررب

ويارررررب السنادى محدش فينا يفوته انه يستغل بركة وقت رمضان

وثواب ورحمة ربنا الواسعة وفرص التوبة الى ليها طعم خاص فى الايام المباركة دى اميييين يارررب

___________

خبر

وان شاء الله كل يومين أبتداءا بأذن الله من بكره

حنزل بوست فى موقف من حياتة الرسول صلى الله عليه وسلم

بيبين مهاراته فى تعامل مع الناس لكسب حبهم وامتلاك قلوبهم

أنطلاقا من قول

(الدين المعاملة )

المواقف دى من كتاب استمتع بحياتك

ل د।محمد عبدالرحمن العريفى

ربنا يجزيه عنا خير امييين ياررررب

ويهدينا لانتفاع بما فيه

ويجزى صديقى العزيز الjoker عنى خير لانه هو الى مهدينى الكتاب

دعوتكم ليه

_______________

جيت أقولكم كل سنة وانتم طيبيبن

وأنزل معاه بوست مش عارفه دا وقته ولا لأ

بس لقيت نفسى مفتوحة ع الكتابة

يارب يعجبكم

________________

عفوا سيدى

أنتبه.......عفوا سيدى...لقد بدأ ينفذ رصيد تحملى

وسئمت ........اليك شكوتى

فلم أعد .....أشكوى بعد اليوم لأحد سوى مولاى وناصرى

أصبحت.....تنزع روحى تدريجيا من أطراف جثتى

لم أعد.....أقوى ع تحمل بعدى عنك وغربتى

أستيقظ....أنهض...قبل ان أفقد طفولتى

قبل أن تبعثر منى أشلاء براءتى

أصبح......الشيب يخط جبينى ...يؤثر ع بقايا أبتسامتى

أضيف..... الى عمرى ألف عاما فصرت لم أعد أقدر ع حمل سنين كأبتى

أستيقظ....(أنت تعلم)....أنهض ...(أريدك حتى ثمالتى)

أرجوك ...فلا تفقدنى

واستيقظ....قبل أن أفقد طفولتى

انهض....قبل أن تبعثر منى براءتى

____________

أحبك حقا سيدى

__________

بقلمى शेमो

1رمضان

౧\౮\2011

اصرخ

2011-07-17T16:58:00.000-07:00

أصرخ

عندما تشعر ان مكانك لا يسعك

فتهرب الى كثيرا من الاماكن فتجدهم أيضا لا يسعونك فتريد ان تهرب من العالم كله .

اصرخ

عندما لا تستطيع أن تجلس لدقائق مع نفسك كى تحاسبها

اصرخ

عندما لاتجد أحدا ممن حولك تسعه أذنيه كى يسمعك.

اصرخ

عندما تتشوه مبادئك فلا تستطيع ان تفرق بين ما هو خطأ وما هوصواب من أفعالك.

اصرخ

عندما تجد نفسك دون معنى عند من هم أقرب الناس اليك.

اصرخ

عندما تصبح حياتك مليئة باللأنتظار تنتظر كل شىء ولا أحد ينتظرك

ولايعينك ع ذلك سوى الصبر والاحلام والامل .

اصرخ

عندما لاتخلو رأسك دائما من عراك الأفكار وعواصف المشاكل .

اصرخ

عندما تفرح فيفرح لك كل من حولك ولكنك لا تبالى وتنتظر

مجىء شخص بعينه كى تفرح معه فتجد انه هو من لا يبالى بفرحك .

اصرخ

عندما يظلمك من حولك وينهبون حقك ويرون ان ذلك هو العدل .

اصرخ

كلما شعرت بضيق قد يفجر الصراخ طاقة سلبية كامنة بداخلك

اصرخ ....... كلما تشعر بالقهر والظلم .....عندما تشعر ان عملة الأحساس

أصبحت بخيسة الثمن فى ذلك الزمان.

أصرخ كى تستطيع الاستمرار

____________________________

بقلمى shemo

الناجح يرفع أيدوا

2011-07-16T19:04:00.000-07:00

الحمدلله

النتيجة طلعت ونجحت وجيبت 71 يمكن المجموع مش كبير

بس الموضوع مختلف بالنسبة ليا لانى انجزت وعوضت كتير عن المجموع

السنة الى فاتت فكانت دى حصيلت السنتين

وبجد فعلا (ان الله لا يضيع اجر من احسن عملا)

المهم اننا منيأسش ونقوم ونكمل

السنة دى فعلا كانت مختلفة عن اى سنة كان الحساب فيها بالدرجات حتى المذاكرة

كانت عشان هدف تعويض الى فات والى بيتعب عشان يعمل حاجة ربنا بيقويه وبيحققله

حلمه.

النهارده اليوم كان مليان عصبية وملل ويأس

والحمدلله كل دا راح بعد النتيجة وخبر النتيجة قدر يمحى جزء من الملل الى كنا عيشينوا

ويجدد امل جوانا .

وبجد بشكر اوووى كل الناس الى كانوا وقفين جنبى السنادى وبيشجعونى

فى البيت وحبيب قلبى وصحابى

وكمان الناس الى كانت بتدعيلى من قلبها وكانت بتسئل عليا انهارده و عاوزة تطمن ع النتيجة

فى جروب مدونيين ع الفيس .

ومبرووووووووووك لكل الناس الى كانت فى ثانوية عامة زينا

وربنا كرمهم ونجحوا.

ومبروووووووووووووك لينا كلنا.

______________________

shemo

يوم سوف يحفر فى ذاكرة الذكريات

من اجمل واصعب ايام حياتى

فاقت حد الجنون

2011-07-11T00:58:00.000-07:00

عودة بعد طول غياب

من الكتابة فى المدونة

____

وبجد كل الناس الى هنا وحشونا اووووى

________________________

ارادت ان تكتب ولكن الافكار تتصارع فى رأسها كل فكرة تريد ان تخرج أولا ع الرغم من ان كلام منهم

او معظمهم ترتبط بنفس المشاعر

فأعتقدت ان مشاعرها هى ايضا تتصارع لذلك هى مشوشة التركيز لا تستطيع الكتابة .

كانت تريد ان توصف ما كانت عليه فهى فى حالة تعطش عاطفى .

الحق انها ع هذه الحالة دائما....ولكن الامر وقت أذا مختلف كثيرا .

كانت فى تلك الحالة لأنها سمعت صوته بعد طول أشتياق ولهفة فهى لم تتعود كثيرا ع البعد عنه

فهو لها الهواء الذى تتنفسه والماء الذى يروى عطشها والحبيب والاب والصديق والاخ والمؤنس

والعشيق .

وكل ما تتمناه اى فتاة فى تلك الحياة ....فقد كان غيابه دون ارادته وهى تتفهم ذلك...لكنها تشعر

بالوحدة والغربه بدونه ....رغم شده كرهيتها للأنتظار ومعرفة ارقام الايام الا انها أصبحت تقطع أورق النتيجة كل يوم

الواحدة تلو الاخرى كى تستعجل يوم مجيئه وعودته اليها.

ياااااااه

حقا كم تشتاق اليه وتشعر ببرودة كل شىء فى بعده

فكم تحتاج حياتها لدفء كلماته وأحساسه.

فقد أيقنت فى تلك الايام انها لم تحبه فقط بل تعشقه وتعبوده.

ولكثرة تفكيرها اوت الى سريرها وأحتضنت دوميتها

(اولى هدايه لها)

واخذت تقبل يدها حيث أعتاد ان يقبلها هو ثم استغرقت فى النوم وسرعان ما أستيقظت

من حلم لم تستطيع ان تتذكر تفاصيله

ولكن شفتاها كانت تهمهم بالدعاء اليه لم يكن الامر غريبا بالنسبة لها.

فهى اعتادت ع ذلك منذ سفره ....كل يوم تستيقظ من نومها وهى تدعوا له ...قد يكون ذلك يحدث

لانها ايضا تنام ع الدعاء له ... فأصبح شىء لأرادى بالنسبة لها .

حتى أثناء سجودها فى الصلاة كل دعائها يكون له لدرجة انها اصبحت تنسى الدعاء لنفسها

وكيف.....؟؟؟؟ تدعو تنسى نفسها وهو فى الحقيقة نفسها وكل ما لها فى الحياة

وكل ما تعيشه وتتمناه فى تلك الحياة علمها كيف تحلم بما لم يخطر ع بال احلامها من قبل

فهو وحده كل احلامها ....فقد جعلها تفوق بحبها له حد الجنون

هو من يقول ذلك لها دائما (بحبببك يا مجنونة )

وعندما أستيقظت وجدت بداخلها رغبة شديدة فى الكتابة فأخذت تكتب

سطور تحوى ما تشعر به ...قد لا تكون ع قدر كبير من الكفاءة الادبية

ولكن يكفى انها تحوى مشاعرها به وأحساسها بالاشتياق اليه...

وهى الان تريد ان تعود ثانيتا للنوم وتتمنى ان تحلم به

قد يطفأ الحلم لهيب شوقها اليه مؤقتا ......

___________________

بقلمى

انا shemo

وحشتونا

2011-06-06T05:10:00.000-07:00

بجد وحشتونا اوووووووى كلكم معلش عارفين اننا مقصرين مع الكل ومش بندخل

وبقالنا كتير مش نزلنا حاجة ع المدونة بس والله انا الامتحانات قربت زى ما انتوا

عارفين والدنيا ملغبطة اووووى معايا

وjoker دخل الجيش بقاله شهرين

دعواتكم لينا ....الدعاء امانة من كل حد يدخل المدونة

انا جيت اطمنكم علينا بس وباذن الله بعد الامتحانات والفترة دى

بأذن الله تعدى ع خير حنبقى هنا دايما

وبجد فرحانة اووى بكل الناس (حسن ارابيسك_عموفشكول_ميرو_الاحلام) الى

سئلوا علينا ربنا يخليكم لينا ياررررب.

_____________________________

shemo

كم اشتاق اليك !!!!!

2011-04-28T06:30:00.000-07:00

كم احترق شوقا يا حبيبى لسماع صوتك

وأحساسى بالدفىء عبر انفاسك

كم احترق شوقا لسماع احبك منك

وأنت تقولها فى لهفة وحنين وشوق

كم احترق شوقا لمسة من يديك

وقبلة ع يدى من شفتيك

كم احترق شوقا وأنتظر مضى الايام

وسريان عقارب الساعة بسرعة الضوء

كى يأتى ذلك اليوم الذى انتظره لمجيئك ياحبيب العمر

كم وكم وكم

كم من حلم كل يوم فى منامى يحمل بداخله كلماتى اليك

وتخيلى لحديثى معك

اشتقت لجنونك وحنانك وطفولتك

اشتقت لخوفك عليا وتدللى عليك

وتدليلك لى

اشتقت لضحتك وغضبك وسخريتك

اشتقت لما اعشقه وهو أبتسامتك

اشتقت لطيبتك ورجولتك

لم تغب عنى ولو لحظة فأنت بجانبى بوجدانى وقلبى وعقلى

وأتواصل معك بمانفعله سويا

فبيننا

يتصل بدائرة وجدان

ولكننى أريد ان تضمنى الى صدرك فأشعر بحرارة حبك

كم أشتاق لذلك الدفْ فأننى أشعر ببرد لا حد له

ودائما الدموع تملىْ عينى

وكاد أن يطفح كيلى بالعناء من وحدتى فى غيبتك

______

يارررررب الأيام تمر بسرعة وترجعلى بالسلامة

يارررررب

________

بقلمى shemo

نعم .....لتطبيق ديمقراطية بجد

2011-03-19T08:09:00.000-07:00

السلام عليكم

بغض النظر عن نتيجة الاستفتاء ذا كانت حتبقى نعم او لأ

وبغض النظر عن موقف ورايى كل واحد فينا وقولنا اما روحنا لجان الاستفتاء

نعم او لأ

الا ان بجد اليوم النهاردة حلو اوووى

وبجد معاملة الجيش ع مستوى اعلى والروع كمان من تطبيق القانون ومن المستوى الى كنت متخيلاه

مش بيحترموا النظام بس بيحترموا كمان الانسانية

(كانوا بيدخلوا كبار السن والعجزيين بعيد عن الطوبير وطوبير يعنى طوبير مش تهريج)

।ع الرغم ان حصلت كذا حاجة حرقت دمى من ناس مش فاهمين معنى الحرية الى ثورة جبيتهالنا

انا مسنحتليش الفرصة ان اقول رايى عشان لسه مش كملت 18سنة

بس كان رايى الايام الى فاتت ان الفكرة مش فكرة

نعم او لأ ع قد ما هى فكرة ان تجربة الاستفتاء دى تجربة لتطبيق الديمقراطية والحرية

الى كل واحد فينا كان بيحلم بيها من قبل الثورة والثورة قامت عشان تحققلنا الحلم دا

بس ع راى شاب فقرى /المصريين اخدوا الحرية بس نسوا ياخدوا

الكتالوج بتاعها فدلوقتى بيلعبوا فى الزراير وكلوا بيخبط

رغم السلبيات وطبيعى يبقى فى سلبيات لاننا

مش حنصحى الصبح نلاقى كل الناس بقيت كويسة والبلد التغيرات و الفقراء اتغنوا

زى ما متخيليين الناس المحبطة الى بتقول البلد دى عمرها ما حتتغير

بقول كدا كمان ع نقطة الحرية لان فى ناس حتى ع المستوى الضيق فى النقاش

مش بتحترم راى الاخر وانت بتقول رايك تلاقى واحد يروح طالع وقيلك انت

تييييييت وبتفهمش حاجة

انا نزلت معاهم فى البيت عشان كنت مشتاقة بجد اوى اشوف الفرق بين الاستفتاء دا بعد الثورة

وبين الانتخابات الى عمرنا ما نزلناها فى حياتنا

لاننا كنا عارفيين ان فيها تزوير

وانهاردة نزليين واحنا مصمميين ومتاكدين ان راينا حيأثر وعارفيين

ان مش حيبقى فى ولا بلطجة ولا رشوى ولا تزوير

ع الرغم ان فى ناس بتعمل حجات عجيبة مش فاهمة هما مش وخديين بالهم ان الناس

خلاص فاقت وبقيت خلاص بتفهم وحتبدأ تعرف حقوقها وتقول بصوت عالى لأأأأأأ

فى وش الى ياخد حقهم

فجيين الناس دى قبل يوم الاستفتاء

زى (ما يطلقون ع انفسهم الدعوة السلفية )

يعدوا فى الشوارع بميكروفونات

ويقولوا للناس ندعوكم لقول نعم فى الاستفتاء غدا

مش عارفة حيفهموا امتة ان الشعب الغلبان دا خلاص مش حيبقى غلبان تانى ولا حيرضى

ياخد ع قفاه فيتعمدوا انهم يضللوا الناس

اما انت تكون انسان بسيط وثقافتك محدودة ويكون مثلا رايك لأ

وتلاقى حد جاى يكلمك ويقولك لا قول نعم عشان المادة 2 من الدستور متتحذفش

وانت معندكش غير معلومات محدودة بتقول انك تقول لأ

عشان الثورات بتغير وبتسقط الدستير

متعرفش اية الى حيحصل اما لمادة دى متتشلش ولا حتى تتشالش

وكدا كدا الدستور حيتغيردلوقتى او بعد فترة

حيكون موقفك اية اكيد حيكون موقفك انك حتترد الف مرة وتتلغبط وتكون مش عارف تاخد موقف

حاجة تانية شوفتها بيعملوها

الى بردوا بيطلقون ع انفسهم انهم

(الاخوان المسلمين )

ع الرغم انى اصبحت اعتقد انهم لا يمسون للاسلام بصلة بعد مواقفهم العجيبة

بعد الثورة ما علينا

وصلنا عند اول الشارع الى فى المدرسة الى العيلة

ريحة تقول رايها فيها ولاقى تلاتة منتقبات علمت انهم من الاخوان المسلمين

مليووون خط تحت اسلوب لبسهم للنقاب

(يريدوا ان يحكموا البلاد بالاسلام بهذا الاسلوب ع الرغم نفيهم لرغبتهم فى الترشيح للرئاسة )

(يتمنعن وهن الرغبات)

وع اعتبار انهم كانوا يطالبون بالحريات والديمقراطية

المهم قربوا مننا وسئلوا حضرتك حتقولى اية نعم ولا

فكان الرد ع ما اعتقد ان دى حرية شخصية ومحدش لية يسئل حتى السؤال دا

وبذات فى الوقت دا وفى المكان دا يعنى

فكان ردهم اه طبعا انا مشيت عشان دمى ميتحرقش من المناقشة الى فى مكان غلط اساسا

وسيبت باقى الى كانوا معايا وقفين معاها

واعتقدت انها مجرد مناقشة من ناس متطفليين

عرفت بعد كدا بأه انهم كانوا بيقنعوهم يقولوا

(......)

الكل يعلم ما رايى الاخوان المسلمين +الحزب الوطنى ايضا

(بواقى الحزب الوطنى )

(حموت واعرف بقى الجهتيين دول اتفقوا ازاى)

ها هم الاخوان المسلمون من ينادون بالحرية والديمقراطية

يفرضوا بأسلوبهم المتطفل رايهم ع الاخرين

نفسى بجد الكل يفهم بقى ان الثورة دى قامت اساسا عشان تدعم وتحمى الحريات

مش عشان نتناقش بهمجية وتخلف

مش عشان نتسابق فى ارغام الاخر ع الاقتناع براينا

وهى اساسا وراها مصالح

بلاش نمشى وخلاص بعمى ورا النخبة

(عمرو خالد قال لأ ورجع قال نعم رحت ناس مغيره رايها عشان رايه )

اى واحد بنحترم شخصيته منهم مش نقتنع برايه وخلاص لأ

نسمع دا ودا ودا ونفكر ونحلل

وناخد قرار قرار مرتبط بشخصيتنا احنا ووعينا السياسى

ميبقاش فى حاجة اسمها حد مش مثقف ومش واعى

ميبقاش فينا حد سلبى وعارفة ومتاكدة ان خلاص الروح السلبية دى ماتت

يارررررررررررب

يكون الى جاى خير وربنا يقدر لبلادنا ما فية الخير ويحمينا ياررررررب

واللهم انت اعلم بما فى ناويهم فوفقنا لما فيه الخير لبلادنا والهمنا الصواب

__________

كلمات من منطلق فكرة الحرية

بكلماتى

shemo

لكنهم فى سعيهم يتحيرون

2011-02-26T11:05:00.000-08:00

تنوية ::

لكل زوار المدونة

المدونة مش بكتب فيها انا لوحدى فى مدون تانى بيكتب معايا

joker من فريق شباب اون لاين

والبوست الى فات كان هو الى كاتبه عشان التعليقات بتيجى باسمى

الnackname بيبقى موجود فى اخر البوست .

_____________________________________

السلام عليكم

بجد وحشتنونى اوووى بحب اوى المكان والعالم دا لانى بلاقى

روحى الذهنية ووجدانى هنا بكتب برحتى من غير ماكون مجبره انى ابين حاجة معينة

ولا اخفى حاجة تانية

وبقرا بردو لناس ولا يعرفونى ولا اعرفهم لكننا بنحس بعض اوى فى كتابتنا

بنتلاقى ذهنيين وهو دا سر وجود البنى ادمين ان فى حلقة

بتربط بين فكر كل الناس رغم الاختلاف الى بينهم

____________________________

عجبتنى اوى الانشودة دى لمشارى راشد

لقيت فيها رد او اجابات كتير اوى عن اهداف الخلق فى الحياة

الاهداف المعوية مش المادية

زى السعادة والرضى والحب والعطاء

والطرق الى الخلق تيهين عنها لأيجاد السعادة دى

وان فى ناس عايشة فى وهم كبير

انهم ف سعادة وترف وهما ولكنهم فى الحقيقة فى فراغ مش اكتر

مش سعادة ولا حاجة

واية هى السعادة الحقيقية

وان كل دا فى القرب من ربنا ورضاه والتلذذ بنعمة الايمان

________________________________

اختيارى

shemo

happy valentines day

2011-02-13T14:44:00.000-08:00

كل عيد حب وانتم بخير

ده عيد مميز من نسبالى علشان اول عيد ليا مكونش لوحدى

وان شاء الله ربنا يديم عليا النعمه دى ويجمعنى بالى بحبه على خير

ده ميعتبرش عيد علشان كل مره بسمع صوته بيكون عيد

كل سنه وانت طيب ياحبيبى

joker

مبرووووووووووووووووووك

2011-02-11T15:54:00.000-08:00

السلام عليكم

مبرررررررررررررررررووووووووووووووووووووووووووووووووووك

لينا كلنا

(ان مع العسر يسر)

بجد فرحااااااااااااااااانة فرحاااااااااااااااانة اووووووووووووى

وبتشرف انك يا مصرى بلدى

وانى من الجيل دا

جيل الثورة الى عرف يثبت انه متأثرش الثقافة الفاسدة الى نشرها بينا الغرب

الى اثبت انة جيل واعى

ومثقف متاثرش بالتعليم الفاسد ولا التخلف الى غطى علينا بسبب فساد السلطة

ربنا يحميكم يارجالة مصر

وتكملوا مسيرة الانتقال بالسلطة بسلام

ويرحم شهدائنا

نام وارتاح ياشهيد

حلمك اتحقق ودمك مرحش هدر

ولادك واهلك عيشوا فى بلدنا الحقيقية الحرة

وربنا يكمل فرحتنا

اميييييييييين يارب

فى رعاية الله

____________________________

بكل ما املكه من مشاعر فرح

ووطنية وحب وعشق لتراب تلك الارض

بحبك يامصر

بقلمى

shemo

كفاااااااااااااااية ....أنا خايفة اووووى

2011-02-02T16:48:00.000-08:00

السلام عليكم....

عارفة ان الكل بيتكلم عن احداث البلد وبيفسر ويحلل بس انا ولا جاية اتكلم فيها ولا عاوزة اتكلم

عنها اتهيئلى كل واحد فينا فاهم اوى الى بيحصل وجدير انه يحلل السيناريوهات ويستنيج

مش تخلف ولا جهل ولا عدم تواكب مع الاحداث ولا عدم انتماء ولا قلة وطنية ولاحتى صغر سن

ولاعدم معرفة ووعى بالواقع لكن عشان حسه ان الى احنا فيه دا كبوس كبوس ومش عاوزة احلل

احداثة ولا فسر تصرفات اشخاصه عشان نفسى يخلص بسرعة .من يوم 25 ينايروانا بحلم ان الفترة

دى تمر بسرعة وكل يوم انام واصحى ع امل ان كل حاجة اتحلت .عارفة انه صعب وعارفة انا مفيش

حاجة بتخلص فى يوم وليلة بس الى انا عارفاه بأه اكتر انى خااااااايفة خايفة اووى خايفة بنام وانا خايفة

وبصحى وانا خايفة بخاف اتفرج ع الاخبار عشان رعبى ميزدتش. الايام الى فاتت دى عرفت ان تمن

الاستقرار والامان غالى اوى ونفسى افهم هو تمن الحرية عدم الامان والاستقرار ؟؟؟؟؟؟؟؟

ياما نفضل جعنيين وعرينين ومذلوليين و ومش فهمين يأما نخاف ومش نعيش فى امان واستقرار.

انا كنت دخله حنام من كترمنا مخنوقة وعاوزة اصرخ قومت اكتب زى ما متعودة اصرخ هنا دايما

بس عارفة ان دا مش وقت ان حد يسمع صرختى ولا وقت ان حد يطبطت ع حد ولا بصرخ عشان حد يطبطب عليا

عوزة اصرخ عشان اقوووووول

كفاية

تعبت تعبت اووووووى من شكل الناس الى بيموتوا كل يوم تعب من الدمار الى فى الشوراع

والخوف الى ناس حساه تعبت من كتر منا حاسة ان ممكن البلد دى تضيع بسبب الى طمعنيين فيها وان نكون بدفعنا

عن حقوقنا وعن وطنيتنا بنديهم فرصة انهم يعرفوا يدخلوها ........فرحت اوووووى اما شوفت الشباب فى شارعنا

بيسهروا عشان خايفين ع كل الى موجودين ووقفين ومش بيناموا عشان يحمونا كلنا .

فرحت اما الكل خاف ع بعضه

وقرر يحمى اهل بلده مش اهل بيته ولا شارعه

وفجاة كل الفرحة دى ضاعت اما لقيتنا بننقسم وبنتفرق ياريت بس فى

راينا او افكرنا انما بنضرب ونقتل فى بعض هو امتة بقى حنفهم ولا مش هاين علينا اننا حتى نبدأ نفهم.

نفهم ان الاتحاد قوة والانقسام ضعف .

دا انا بقيت بخاف اطمن شوية احسن الدنيا تسوء اكتر فرجع اخاف تانى .

عرفت

اوى وحسيت بمعنى الاستقرار والامان الى مفتقده شعب فلسطين والعراق.

وخايفة احسن نتسبب

ان بلدنا يوصل بيها الحال لكدا ويكون بايدنا ......خايفة اووووووى ع البلد دى خايفة ان ما بعد ما كنا بنتباها بيها

وبنفشخر اننا منها وهى سلطتها وحكومتها فاسدة وفى بطالة وجهل وفى فساد عشان هى بس مصر بسببنا نمحى

معالم تاريخنا وحضرتنا بتفككنا حتى فى غضبنا وثورتنا.........

خايفة ليكون مستقبلى واحلامى خلاص ضاعوا دلوقتى وبالى حصل والله مابفكر كدا انانية ولا

تفاهة( سيبه بقى حال بلدنا وبفكر فى احلامى ومستقبلى) بفكر كدا لسبب بسيط ان مستقبل البلد دى ما هو الا مستقبل

وحلم كل واحد فينا .

حلمى دلوقتى اننا نصحى من الكبوس دا من غير ازمات نفسية ونكسات تخلينى نتخف

ميت سنة لوراه اكتر ما كنا .

حلمى دم الشباب الى بنحتسبوا عند ربنا من الشهداء دا ميكونش راح هدر واننا نتجمع

ونبطل تخلف وقتل فى بعض عشان نعرف الهدف الى نزلنا عشان نحققوا ونعرف نحقق للستشهدوا دول حلمهم

فى الحرية والعدالة والحياة النضيفة فى اهلهم وولدهم .......بحلم بقى انام من غير ما اخاف ....بحلم ان الراجل

الى استعبدنا 30 سنة دا بحجة انه بيحمى مصر من الخارج ومن الاطماع ميسسبهاش ويمشى عشان حيسبنا للكلاب

الى من بره يخلصوا مننا الى عملناه فيه الايام الى فاتت ومنفوقش من الكابوس دا ع كابوس تانى اسمه التدخل الاجنبى

وبعده احتلال...

بحلم نفوق دلوقتى ونقف جنب بعض زى أول يومين بدانا نطلب فيهم حقنا زى الناس المحترمين ولا

حنفوق بقى امتتتتتتتتتتتتتتتتتتتتتتتتتتته امته حنفوق ..........

ياررررررررررررررررررب يارب استرها وعدى الايام دى ع خير

واحفظ البلد دى من كل شر وحققلنا الى كنا بنتطلبه وانت عالم انه من حقنا

يارررررب انتقم من كل واحد اقتل برىء كان نازل يطلب حقه ويدافع عنه

ياررررررب قوينا ومتشتتناش ولا تفرقنا ابدا واجمعنا ع قلب رجل واحد

يارررررررررب ومضيعش احلامنا فى بلد نفخر بيه اننا منه ونرجع نحترم فى اى مكان فى دنيا

يارررررررب رحمتك بينا فأنت موالنا وسيدنا وارحم الرحمين

ااااااااااااااااااااااااااااااااااامين يارب

____________________________________________________

صررررررررررخة

shemo

سلاح المقاومة

2011-01-07T11:24:00.000-08:00

لتكبير الصوره اضغط عليها

من كتاب ضحك مجروح للمؤلف : بلال فضل

تم نقله : JOKER

happy new year 2011

2010-12-31T09:06:00.000-08:00

السلام عليكم

ازيكوا كلكوا بجد وحشتنونى اوى

كل سنة واحنا كلنا يارب طيبين

كام ساعة وحنودع 2010

ونبدأ نستقبل سنة جديدة 2011

السنة الى فاتت عديت بالحجات الحلوة والوحشة الى فيها

بس بجد الحمدلله كانت سنة حلوة اوى

بستثناء نتيجة الثانوية العامة والامتحانات

ههههههههه

يارب الامتحانات السنادى تبقى احلى

والنتيجة كمان

ويارب السنة الى جاية دى تبقى حلوة زى الى فاتت وكل السنين يارب

تيجى بخير علينا كلنا

ويارب يتحقق لكل واحد الحجات الى كان بيتمناها فى السنة الى فاتت ومحصلتش

الى كان عاوز يدخل كلية معينة يكرمه ويدخلها

الى عاوز يتجوز ربنا يكرمه بالانسان الى يستهله

ميكتبش ع حد الفراق ولا الوحدة امين يارب

الى عاوز يخلف ربنا يرزقه بالذرية الصلحة ويبركله فيهم

يجمع بين كل اتنين بيحبوا بعض ع خير

يرزقنا بتحرير المسجد الأقصى

يثبتنا ع دينا

يعلو كلمة الاسلام ويجعل المسلمين اسياد الارض

ويخلصنا من الحكام الظلمة ومن الغش

والرشوة وعدم الامان

والفقر والجوع

ااااااااااااااامين ياررررررب

وhappy new year

2011

_______________________________________________________

ملحوظة:

_ انا ميلى كان مسروق فلو أى حد جاتله حاجة من عندى فيروس او حاجة شبة كدا

او حد اتكلم معاه بأسلوب غريب يعرف ان مش انا وان بسبب ان الميل كان مسروق

وربنا يجازى المتخلفين الى بيحروقوا دم الناس ع الفاضى.

(هو الحمدلله رجع بس عشان لو لقدر الله حاصلت حاجة تانى)

_________________________________________________________

بقلمى انا

shemo

2010/2011

المفتاح (قصة قصيرة )

2010-12-24T13:03:00.000-08:00

قصة قصيرة اعجبتنى

قرأتها فى سلسة كوكتيل 2000

(روايات مصرية للجيب)

ل د/نبيل فاروق.

***********************************

حبيبتى الغالية ..

منذ دقائق ,سلمنى حارس العقار ذلك المظروف ,الذى تركته لى هذا الصباح ,بعد انصرافى الى عملى مباشرة ..

المظروف ,الذى يحوى المفتاح..

مفتاح شقتى ..

وبالنسبة لنا,انت وانا ,كان لهذا معنى خاص..

خاص جدا..

فمنذ التقينا , وتعارفنا , وربط الحب قلبك بقلبى , منحتك مفتاح شقتى

فى سلسلة من الفضة , التى يذكرنى نقاؤها دوما بنقاء قلبك الطاهر الدافىء الجميل ..

ومازلت اذكر , حتى لحظتنا هذه , ذلك الذعر المستنكر , المطل من عينيك , وانت تحدقين فى المفتاح ,

قبل ان يشتعل غضبك , وتثورين فى وجهى , لاننى جرؤت ع فعل هذا ..

كنت لحظتنا جريحة , غاضبة , مقهورة , تتصورين ان المفتاح ,

الذى عطيك اياه , يعنى أننى اتصورك مجرد انثى عابثة ..

مستهترة ..

متساهلة ..

ولقد ادهشنى هذا , واصابنى بذعر شديد فى الواقع ..

فما جال ببالى ايامها , وما دفعنى الى منحك ذلك المفتاح , كان بعيدا كل البعد عما تصورته انت تماما...

وهذا لأنك نسيت امرا واحدا يا حبيبتى ..

أننى لم اولد هنا ..

ولم انشأ فى مناخ شرقى ايضا..

وبحكم مولدى ونشأتى , ووفقا لعادات المجتمع الذى ترعرت فيه, يعتبر منح مفتاح شقتك لمن تحب ,دليل الثقة ,

والحب , والتفاهم ,والاستقرار العاطفى التام , الذى يلغى الحواجز بين الجانبين ..

ويفتح باب كل منهما امام الاخر ..

وهذا ما قصدت ان اخبرك اياه لحظتها ..

وما جاهدت لأشرحه لك فيما بعد..

لم يكن الأمر يسيرا ..

او الأختلاف التربوى بيننا بسيطا..

ولكنك كنت تحبين ..

لذا فقد استمعت ..

وفهمت..

وتقبلت ..

وسامحت ..

وكحل وسط , وافقت ع ان تأخذى مفتاح شقتى , ع ألا نلتقى فيها وحدنا أبدا ..

وقبلت أنا شرطك ع الفور ..

لأننى أحببتك من كل قلبى ..

ولقد حفظنا معا ع القاعدة , وع طهارة ونظافة حبنا ,

الذى راح ينمو , ويترعرع , ويكبر فى كل يوم ..

ثم كنت أنت من خائف الشرط..

حدث هذا أثناء واحدة من وحلات عملى العديدة , التى اسافر

فيها خارج الحدود , ولم أعلم به ألا عندما عدت , لأجد منزلى نظيفا مرتبا

وفوق المائدة هدية رقيقة مثلك , محاطة بورق ملون جميل ,تعلن حبك لى ,

اشتياقك لعودتى..

ولا يمكنك أن تتصورى كم اسعدنى هذا ..

كم اعجبنى , وافرحنى , ومس شغاغ قلبى ..

وفى لقائنا التالى , اخبرتك بمشاعرى , تجاه قدومك الى شقتى ,

حتى ولو لم اكن فيها , واعترفت انت لى بانك كنت شديدة الفضول لرؤيتها ,

ومعرفة تفاصيل المكان , الذى احيا فيه ..

وظل الموقف كما هو ..

لا نلتقى ابدا فى شقتى ,ع الرغم من أنك تحملين مفتاحها ..

واضيفت قاعدة رائعة جديدة ..

ففى كل مرة أعود من رحلة سفر , كنت اجد هدية منك فى انتظارى ..

هدية بسيطة ..

رقيقة ..

جميلة ..

تماما مثلما أنت ..

وكم اختلج قلبى بنظرة السعادة , التى عبر عنها كيانك كله ,

عندما كشفت ذات يوم ,أننى قد صنعت قطعة اثاث ذهبية ركنية خاصة.

لأحفظ فيه كل هداياك الى ..

كان هذا بالنسبة لك, دليلا جديدا ع الحب ..

حبى لك..

وبعدها ,اصبح تخيلك ,وانت تجولين فى شقتى ,هو الوسيلة الوحيدة لهزيمة شوقى اليك

فى رحلات عملى الطويلة .

حتى بدأت تتغيرين ..

واعترف هنا أننى لم اشعر بذلك التغيير فى البداية ,فقد كنت ككل محب ,أنانيا ,مستمتعا

مبهورا بعلاقتى بمن أحب ,حتى أإشى الحب بصرى عما يصيبه ..

كنت أٌقل كلاما, وكثر عصبية ,واندر ابتساما ..

ثم بدأت مرحلة العصبية ..

المرحلة التى بدأت أنتبه خلالها الى ما يحدث ..

انتبهت ..ولكننى لم أفهم ..

ربما أيضا بسبب نشأتى الأجنبية ..

فقد طالت قصة حبنا أكثر مما ينبغى

وكان من الضرورى أن تنتقل الى مرحلة جديدة ..

مرحلة الارتباط ..

الرسمى ..

وأنت لم تحاولى الأفصاح عن سر توترك وعصبيتك ..

كنت تتمنين أن أشعر بالأمر وحدى ..

أن يقرأه قلبى ..

وتدركه مشاعرى ...

وتتفق معه عواطفى ..

ولكننى لم أفعل ..

لم أفهم..

أو أحاول أن أفهم..

لقد تصورت أن حبنا خالدا ..

أبديا..

دائما..

وهكذا خسرت ..

استيقظت فجأة , لأجد أن حبك لى قدا انهزم , امام ضغوط توترك وغضبك..

ويأسك أيضا..

لحظتها فقط عرفت ..

وفهمت ..

ومع معرفتى وفهمى , حاولت أن أستردك ..

أن استرجع حبك ..

وحنانك ..

ودفنك..

ولكن الوقت كان قد فات تماما كما يقولون ..

فلسبب ما , لم يعد باستطاعتك العودة..

أو المسامحة ..

أو الغفران ..

لقد أصبحت رافضة لحبى تماما..

ولكل ما يرتبط به ..

واليوم ,أعلنت رغبتك فى فصم كل علاقة ربطتنا معا ..

وأعدت لى المفتاح ..

نفس ما يحدث , فى المجتمع الذى نشأت منه..

وصدقينى يا حبيبتى , فعلى الرغم من حزنى الشديد لما حدث ,الا اننى لن أٌقاوم ..

لن أقاتل لاستعادتك قط..

بل سأستسلم تماما لرغبتك , كما يفعل أى أنسان متحضر, فى كل بيئة محترمة ..

انها مشاعرك , وسأحترمها تماما ..

فقط لى رجاء واحد..

لا تعيدى المفتاح ..

احتفظى به دائما ..

اعتبريه ذكرى لحظات حبنا الجميلة ..

الطويلة ..

العطرة ..

احتفظى به يا حبيبتى , ولو فى ركن مظلم , من أعمق أعمق خزانتك ..

المهم أن يبقى معك ..

هذا لأنه ليس مجرد مفتاح شقة أنيقة ..

انه مفتاح قلب ..

قلبى أنا ..

وهو لك..

وستظل لك..

ولك وحدك ..

الى الابد..

__________________________________________________

shemo

ما اعجبنى أثناء قراءاتى .

وكيف.........؟

2010-12-13T06:37:00.000-08:00

فقط قضيت بضعة ايام خارج المنزل وعندما عودة

لم اعرف ماذا بى ؟

اشعر بغربة عن كل شىء يربطنى بى

اشعر بغربة عن غرفتى التى بها مجلسى

وسريرى الذى اشعر فيه براحتى

اشعر بغربة عن وجهى فى مراتى

وجسدى فى ملابسى

ياااااه له من شعور مؤلم شعورك بتلك الغربة

عن كل من حولك اشعر وكأننى اعيش بمفردى

وأمر بحالة من اللاوعى بالواقع

والانقطاع عن محيطى

والتقوقع داخل ذاتى

كل ما اريد فعله

ان اجلس فى احدى اركان غرفتى واغلق نورها

واضم قدماى واضع راسى بينهم

واستغرق فى حديث مع نفسى

لكى اعرف ماذا بى .............؟

ونفسى هى انت يا حبيبى ........حمدا لله اننى لم اشعر بتلك الغربة عنك

لكن ....وكيف ذلك..........؟

وانت وحدك حبيب العمر, انت وحدك من يستطيع ارضاءى

وانت من يهون عليا ما امر به ,كثير من الافكار تدور براسى وعندما اتحدث اليك تذوب تلك الصراعات وكانها

ثلج ولم يعد له وجود غير بقاياه من الماء والتى هى حلا لتلك الافكار .

تنجح وحدك دائما فى اخماد ثورتى فقط بكلماتك اخرج من قمة كأبتى

وكانك ساحر يفعل ما لا يستطيع فعله العامة من البشر

فانت حقا كذلك

فلست واحدا منهم ولست مثلهم

بل انت حبيبى .
__________________________________________________________________

بقلمى انا shemo

13\12\2010

القناعة كنز لا يفنى

2010-11-24T00:43:00.000-08:00

.ما اعظم ان تتحدث عن احزانك بابتسامة وضحكة يعلوها صوتك

. ويرونك من حولك فى عجبا واستغراب من موقفك يرونك فى صمودا وجمودا

...... فيسالون

هل انت كذلك حقا ام تدعى تلك الصمود؟

هل تلك الابتسامة من داخلك ام هى فقط لوحة ترسم بها ما تتمناه فى الحياة من سعادة وتخفى بها حزنك ؟

.......ويحتارون فى تفسير شخصيتك

.ما اعظم ان تتعلم ممن تراهم مختلفون معاك فى المبادىْ والافكار

. ولكنك ترى بهم صمودا وغموضا وقوة فى الصبر ع الابتلاء ورضى بقضاء الله وبالحال

وسعادة فى العطاء لمن لايعطونهم شىْ

.حبا فى الجمع مع من هم ليس لهم اللاهم فى الحياة

.ما اعظم ان تتعلم منهم رغم اختلافك معهم

ما اعظم ان تتعلم منهم لانهم يجعلون ما لحق بهم فى الحياة عذاءه

ذكرى طيبة يسعدون عند تذكرها ويحمدون الله انهم عشوا يوما فى تلك النعمة.

ولابيحثون عن طريق اخر لتعويض ما اصابهم فى الحياة

.قد ينتظرون ما هو اعظم من الله

فياااااااا سبحان الله حيا لايموت رحيم بعباده غفور

.عندما يبتليهم يرزقهم مقابل الابتلاء صبر واحتساب

.ويااااااااا لتلك النفس البشرية

فحقا

.الرضى يرضى النفس

.والقناعة كنز لا يفنى _____________________________________________________

تاثر بواقع اشعر به

بقلمى انا shemo

من خلال قراءاتى

2010-11-20T16:01:00.000-08:00

. إذا لَم نجد طريق النّجاح فعلينا أن نَبتكِرُه

.كُن مستمعاً جيداً لتكن متحدثاً لبِقاً

.الابتسامة كلمة طيبة بغير حروف

الإنسان الناجح

.هو الذى يُغلق فَمه قبل أن يُغلق الناس آذانهم و يَفتح أُذُنَيه قبل أن يفتح النَّاس أفواهَهُم

.الحياء جمال في المرأة وفضيله في الرجل

.لا خير فى خير بعده نار، و لا شر فى شر بعده جنة

" ابو بكر الصديق رضى الله عنه "

.إذا وَقعت سبع مرات فقِف ثمانية

.من يفهم النَّاس فهو حكيم و من يَفهم نفسُه فهو مُتفتِح الذهن

.خيرٌ لك أن تسأل مرتّيِن من أن تُخطىء مرة واحدة

.أَحسن إذا اردت أن يُحسن اليك

.المعرِفة هي قوّة في حدِ ذَاتِها

. العفو يشفي أفضل من العقاب .. أحياناً

... التخيل بداية الإبتكار... التخيل أهم من المعرِفة... التخيل يُشكل العالم

. إهتم بأن تحصل على ما تُحبه و إلا ستكون مُجبراً على أن تحب ما تَحصل عليه

___

.الحقُ كالزيت يطفو دائماً

.الكلِمةُ الطيبة جواز مرور إلى كُلِ القُلوب

..إذا صَعدت الجَبل فانظُر إلى القِمة .. ولا تَلتفِت للصُخور المتناثرة حولَك .. اصعد بخَطوات واثِقة .. ولا تقفز فَتزل قدمك

.كُن سعيداً .. سيتغير كل شيء حولَك

.ليست هناك في الحياة امرأة واحدة تَهب كُل حياتها وكل حنانها وكل حُبها، دون أن تَسأل عن مُقابِل . . إلا الأم

__
.القبول والصداقة يُعلِمان الطفل ان يجد المحبة في كُل مكان

________________________________________

ما اعجبنى اثناء القراءة

shemo

كل سنة وانتم طيبين + سمحونى

2010-11-14T13:09:00.001-08:00

السلام عليكم

كل سنة وانتم طيبين

وعيد سعيد علينا كلنا يارب

السنة الجاية كلنا نبقى محققين الى احنا عاوزينه

كلكم بجد وحشتونى

وبجد شكر اوى للناس الى كان بيسئلوا عليا دايما

وخصوصا ايناس

(ايناس الاحزان)

_________________________

مش جاية بموضوع حلو رغم الغيبة الطويلة دى

لسه بس باخد نفسى عشان ارجع ابقى معاكم بجد

بس بمناسبة العيد جاية اطلب من كل حد زعلته منى او جرحته يسمحنى ويدعيلى بالهداية

انا عمرى مقصدت اجرح حد ولا حتى اعرف اعمل كدا

يمكن تصرف بعفوية او بغير قصد لانى ببساطة عارفة يعنى ايه جرح والى بيتجرح عمره ما يعرف يجرح

الا لو كان حد غبى واكيد كل الناس القريبين منى والى حتى بعدت عنهم عارفين انى مش حد غبى

.وانى حد بيقدر اوى الى حواليه

بجد

اسفة لاى حد كان قريب منى وانا ضيقته

او جرحته من غير مقصد

.وعاوزاه يسمحنى

اسفة لاى حد كان قريب منى ومطلعتش عند حسن ظنه بيا

.وخذلته

.اسفة لنفسى لانى دايما بتصرف تصرفات بعفوية بتزود حمولها وهمومها

.اسفة لو وعدت وعد لحد فى يوم ومطلعتش قده وموفيتش بيه

اسفة ليك يا اغلى حاجة فى عمرى لانى دايما بضغط عليك

.اما بكون مضايقة ومبقدرش وقتها

.اسفة يا حبيبى عشان دايما ببقى زيى العيال الصغيرين الى محتاجين يتحضنوا ويطبطب عليهم

.اسفة يا حبيبى عشان حسه دايما انى بنتك زى ما دايما بتقولى عشان كدا دايما دلعى بيبقى زيادة

.اسفة عشان عارفة انك مش بتحبنى اقولك اسفة بس دلوقتى كان لازم اقولها

.يارب كل حد ضيقته او زعلته او جرحته يسمحنى

.وانا مسمحه اى حد سببلى الم او جرح فى اى وقت

_________________________________________________________

بقلمى انا shemo

كل سنة وانتم طيبين

كانت بداية البداية

2010-09-06T15:30:00.000-07:00

كانت بداية البداية

كانت تبحث عن عقل بمواصفات خاصة هى ذاتها لا تستطيع تحديدها الا بأحساسها فصادفتها

الايام باشخاص اعتقدت انهم من تبحث

عنهم ولكنها عرفت بعد مرور الوقت انها كانت خدعة او قد تكون اختبار لذاتها

ولكنها لم تستطيع النجاح فى تلك الاختبار وسرعان ما

اصتطدمت وانكسرت وتبدل حالها من ثبات وثقة الى تخبط وعدم اتزان ولكن فى تلك الاونة

كان بجانبها اقرب شخص اليها هو الذى

اصبحت لا تثق فى احد غيره فقتربت منه اكثر واثقلت عليه بتلك الانكسار احست انه

كل مالها فى الوجود بمرور الوقت اخذت

المسافات تقترب بينهم واصبح بداخلها فضول رهيب لرؤية تلك الملامح

التى اخذت تضع لها العديد من الصور والتوقعات فى

خيالها وتقابلا فكانت تتخيل ملامح دعت لها عنان خيالها للتصور فرسمت صورة

تتسم بالشفافية والبرائة مع شى من الحرص والقوة

كل هذه المعانى اعتقدت انها اوسم ما يكون فعندما راته انبهرت بملامحه

لم تكن فقط وسامة وجه ولكنها ملامح تحمل معانى كثيرة

وجهة ينبض بالتعبير بداخلة احساس وقدر من الاحتواء اخذت تبعث نظرات

اليه فى اعجاب وشوق لما كانت تحلم بيه وظلت صامته

معظم الوقت ع غير العادة فهى التى كانت دائما تفتح ابواب الحوار بينهم

لانة قليل الكلام ولكن تلك المرة كانت كل القواعد مختلفة

احست احساس لم تشعر به من قبل ربما وطات قدماها ارض الحب من جديد بعدما

ظنت ان نهر الحب جف بداخلها ربما اخذ ينبض

قلبها نبضات لم يعتاد عليها منذ ولادتها احست ان جميع احلامها سوف تتحق شعرت

باحساس بالامان و الطمئنينة لم تحسه منذ دخول

الخوف لقلبها فقدت تلك الاحساس وغلب عليها الخوف حتى انه كان يمتزج دائما بعباراتها

..
نعم فقد احسته ايضا تلك المرة ولكن ذلك الخوف لم يكن منه وانما عليه وخوف من
.
ان تلك الواقع يصبح فقط حلم جميل استغرب هو
..
ايضا من ردود افعالها فى هذه المرة فلم يعتاد عليها هكذا فيما سبق ومع مرور الوقت
.
زاد بداخلها هذا الاحساس فايقنت انه حب
..
ولكن علاقتها بيه واحترامها له كان اهم بالنسبة اليها بكثير من هذا الاحساس
.
كان همها الاكبر ان تظل بجانبه فمن المستحيل ان
..
تظهر له احساسها فمن الممكن ان تخسره فاخدت قرارها الاخير
..
(ان تبتعدت فالافضل بالنسبة اليها ان تظل بتلك الصورة التى رسمتها فى ذهنة وان تظل بداخله )
..
وفى تلك الاونة التى قررت ان تنفذ قرارها اعترف لها بحبه لها لم تصدق ان ما تمنته تحقق وانه شعر
..
بها فكانت تعتقد ان ذلك مستحيل وانه اشبهة بالوصول لنجم فى سماء ليلها وربما
.
ايضا كان بداخلها شعور بالتعجب من نفسها لانها
..
اعتقدت انها سوف لا تصدق ثانيتا حروف تلك الكلمة الساحرة فربما صدقتها
.
وشعرت بها لصدق حروفها منه كما قال لها عندما وصفت
..
له احساسها ولكنها بالفعل احبته لم يكن حبا فقط فهو مزيج من مشاعر اختلطت بداخلها
.
احتراما وحبا وعشقا واحتواءا فقد اصبح كل
..
املها فى الحياة تتصاعد دعواتها كل ليلة ان يظل بجانبها تعتقد ان الليل وحده هو
.
الذى يضم تلك الاحلام الصغيرة التى اشبهة بقمره
..
الذى يضىْ عتمت الظلام ويبعث املا فى نفوس الخلق ان صبح جديد سوف ياتى
.
لتتحقق احلامهم التى طمستها ظلمات الليل فقد رات
.
فيه ليس فقط حبيبا فاحساسها به انضج حتى من كلمات الحب فهى ترى به
.
صديقا و زوجا وعاشقا وأبا ومؤنسا فى وحشة الوحدة
.
فى الحياة وظهر تحتمى به من عواقب الزمن وتبعات القدر فثقتها به ليس لها حدود
.
فقد تكون تثق به اكثر مما تثق فى نفسها فهو
..
تلك الثقة ع الاقل من وجهة نظرها فهى تعرفه لا بل تحسه اكثر من اى شخص فى الوجود
.
ترى انه نادر الوجود تركيبة تجمع بين فهم
.
الحياة والثبات والعمق الرجولة والطفولة العقل والجنون , قد خانها عقلها سابقا فى الحكم ع الامور
.
والاشخاص ولكنها تعى حاليا
..
نواحى كثيرة فى الحياة رغم قلة خبرتها وتجاربها .ولكن احساسها لم يخونها من قبل
.
حتى ولو اعطته سابقا لمن لا يستحقه فلم يكن
..
ذنبها خيانة الاخرين فقد يكفى صدقها هى معهم , فسوف تختبر احساسها تلك المرة
.
ولهيهات من الدعوات بعدم خيبة املها وظنها فى
.
حلمها فهى حقا من الممكن ان تفقد حياتها بدونه

بقلمى : Shemo

رمضان كريم

2010-08-10T14:03:00.000-07:00

كل سنه وانتم طيبين

رمضان كريم

وان شاء الله يكون رمضان ده احسن من اللى فات

JOKER

حلم

2010-07-27T16:21:00.000-07:00

السلام عليكم ورحمة الله وبركاته

ازيكم كلكم يارب تكونوا بخير دايما يارب

وحشتونى اووووووووووووى

وكل سنة وانتم طيبين

معلش عارفه انى بقيت بوعد ومش بوفى بوعدى

بس والله غصب عنى مش فى نت

فى البيت عشان كدا مش بقيت بعرف

انزل بوستات ولا اتابع المدونة كويس زى الاول

والفترة الى فاتت دى كنت بمر بمود غبى شوية

وجيت افضفض شوية معاكم يمكن اعرف ارجع زى الاول

_________________________

بحب اوى اسمع حوديت

فكانت من ضمن الحواديت دى حدوتة عجبتنى اوى

ع رغم من انها بسيطة اوى الا انها جواها معانى كتير اوى

وحبيت احكهالكم

كان يامكان ياسعد يا اكرام ولا يحلى الكلام الا بذكر النيى عليه الصلاة والسلام

كان فى عصفورة حبيسة داخل قفص وكانت لا تعرف لماذا ولكنها يوم تذكرت

ما قالته لها جدتها القفص الذى يحبس فيه الانسان الطيور ليس سوى شكل من الاشكال

وكانت هناك سلحفاة بجوار القفص

فقالت لها من الصعب ان اخرجك واحررك من القفص

واقترحت عليها

ان تحلم بيوم قريب ترى فيه الحرية فالحلم من الاشياء الجميلة

التى لايمكن حبسها او منعها عن اى كائن

وبالطبع لم يكن امام العصفورة سوى ان تصدق السلحفاة

بعد ايام نسى صاحب المنزل باب القفص مفتوحا وهو يضع

الطعام

فطارت العصفورة وتحقق كلام السلحفاة

هكذا احلامنا جميعا فنحن لا نستطيع العيش بدون

احلام لعلها يمكن ان تتحقق فى يوم من الايام

وانا كمان اول حلم من احلامى الى حولت احققها فشلت فى تحقيقه

وحسيت ان الدنيا كدا اخرها

كنت حاسة اوى كدا يوم النتيجة احساس الفشل احساس غبى اوى

يومها حسيت ان كل الى كنت بحلم بيه ضاع وراح

بس عشان منقدرش نعيش من غير احلام وانا عندى يقين ان

ربنا حيقف جنبى لو عندى استعداد ابدا من جديد واكيد ربنا كتبلى خير

دلوقتى

بحاول انسى الى ضاع والى راح وابدا احلم من جديد

وياررررررررب ااقف جنبى عندى ثقة فيك كبيرة اوى

ويارب ليا حلمين دلوقت اول حلم حجتهد واعمل الى عليا فى عشان

يتحقق واقدر انجح فى

عشان كرها اوى الاحساس الى انا حساه دا

والحلم التانى

يارب متخيبش ظنى فى وحققهولى

الحلم دا هو الى مخلينى مكملة وعيشة

وهو الى خلانى يبقى عندى امل فى انى احلم من جديد

ياررررررررررب خليك جنبى

وباركلى فى حياتى الى جاية واهدينى واصلح

من حالى عشان ارضيك وارضى عن نفسى زى زمان

اللهم امين

دعواتكم

وان شاء الله ححاول مغبش كتير زيى الاول

فى رعاية الله

______________________

بقلم shemo

واخدت الاجازة هيييييييييييييه

2010-06-26T11:18:00.000-07:00

السلام عليكم

الحمدلله امبارح كان اخر يوم فى الامتحانات عديت ع خير بحلوها ومورها

ربنا يستر ع النتيجة اينعم الامتحانات كانت جاية صعبة بس

(ان الله لايضيع اجر من احسن عملا)

بجد كلكوا وحشنىىىىىى اووووووووى اوووووى ومصدقت انى خلصت

عشان ارجع اكتب فى المدونة

رجعت عرفت خبريين فرحوني اوى

:الاول

ع الرغم ان ريمان

(ملائكية)

مش حتبقى موجودة معانا تانى وزعلت اوى اما عرفت كدا

بس فرحت اووووى اما عرفت انها اتجوزت

واطمنت عليها

ربنا يكرمك يا رب ياريمان فى حياتك الجديدة ويكرمك

وااااااااااااالف مليووووووون مبروك يا ريمو ع الزواج المبارك

(بارك الله لكما وبارك عليكما وجمع بينكما فى خير وع خير)

امين يارب العالمين .

:وثانيا

انى اطمنت ع حبيبة قلبببببببى

ايناس

(ابتسامة ملاك)

ربنا يكرمها يارب وتكون بخير دايما.

________________________

عندى حجات كتير وكلام كتير عاوزة اقوله واكتبه

حجات كتير جدت فى حياتى خليتها تبقى الحمدلله احلى

وربنا يديم نعمتة عليه يارررررررررررب

مش فى دماغى كلام معين اكتبه يمكن عشان لسه طلعه من الامتحانات وافكارى مش مرتبة

وكنت عاوزة اطمن عليكوا فكان لازم اكتب البوست دا

بس فرحاااااااااااااااااانة

اوووووووووووووووىىىىى

فرحاااااااااااانة الحمدلله

وعاوزة اطلع كل الى جوايا فى حروف وكلمات

واغلى الناس عندى محتاجة اطلع مشاعرى الى جوايا ليهم

فى صورة حروف معنها مش حتوصف نص الى جوايا ليهم

بس ربنا يقدرنى وميكونش كلام بس واقدر اسعدهم

ربنايخليهم ليا ياررررررررررب

مش حغيب بقاه باذن الله تانى يومين كدا وحرجع اوجع دماغكم تانى

بس يارب الجهاز مش يندل معايا ويعمل حركة من حركاته دى

ههههههههههه

______________________

اول يوم فى الاجازة

27/6/2010

بقلمى shemo

happy brithday + ع الهامش (اكتفى بتلك النظرات)+اعتذار

2010-05-05T06:28:00.000-07:00

السلام عليكم

انهارده عيد ميلاد

حد غالى اوى وعزيز عليا ويوم ميلاده دا هو الى خلانى انزل بوست فى وقت

صعب اوى انى افتح فيه نت وانزل بوست بسبب ظروف الامتحانات

بس غلاوته عندى تستحق انى انزل بوست عشان

اقوله كل سنة وانت طيب

انهارده عيد ميلاد الجوكر من فريق شباب اون لاين

كل سنة وانت طيب

يا احلى جوكر فى دنيا ويارب السنة الجاية كدا تكون محقق كل الى بتحلم بيه

نحتفل باه مع بعض كدا ع ضيق

دى تورتة بالشيكولاته عشان انا بحبها

ودى بالفراولة

ودى والله معرف ايه هههههه اتهيئلى مش عارفه برده

ودى برده شيكولاته عشان برده بحبها منا الى عمله الحفلة باه
______________________________________________________

دى كلمات ع سريع كدا كتابتها

عشان غيبتى ممكن تطول الايام الجاية بسبب الامتحانات

دعواتكم باه

ملئت حروف اهاتى سطور ورقاتى

وتاهت احزانى بين الكلماتى

وظللت احلم بك فى كل مناماتى

اكتب رواياتى فتتكون انت فارسها ويكون امل

فرحى بطل نهاياتى

ووضعت نفسى بين دقات الساعاتى ليمر عمرى

بلا ندم واحزانى

فجئت انت يا حبيبى فى تلك الايام بدلت حروف الاهاتى

بسطور حب واوراقى وبدلت احزانا

بافراحى وبت حقا فارس رواية حياتى

وكثرت حروف التعبير عن ذاتى واستولى الصمت

عليا فاصبحت اكتفى بتلك النظراتى لفشلى فى التعبير عن احساسى

واصبحت اريد تلك اللمسات لاحس انك لست حلما يا من اصبحت كل حياتى .

______________________________________

بعتذر عن غيابى وبجد كلكم وحشتونى اوى بس انتم عارفيين

ظروف الامتحانات دعواتكم باه

بقلمى shemo

افلام

2010-04-10T16:21:00.000-07:00

بما انى مدمن افلام فا اوقات بتعدى عليا جمل جميله

فا فى البوست ده فى اكتر جمل عجبتنى لحد دلواتى

1-عندما حاول توضيح معنى الكذب صعقت

قالت لى ان الكلام وجد كى يجعلنا نفهم بعضنا كى تصل المعلومه

فاذا قام شخص بقول شئ غير صحيح يصبح هذا الهدف معدوما

2-احيانا الحقيقه ليس جيدة بما يكفى احيانا يستحق الناس ما هو افضل

احيانا يستحق الناس ان يكافئو على إيمانهم

3-احيانا يجب ان نفعل اشياء لا نحبها

فى بعض الاحيان تتحمل وتنهى ما بداته

هذا جزء من الحياه

4-Why so serious

Let's put a smile on that face

joker

اريد العودة

2010-04-02T14:06:00.000-07:00

قد تتوه بداخلك الافكار والمعانى وتتبلد المشاعر والاحاسيس

عندما لا تستطيع تحديد اطار لعلاقتك بالاخرين اهم : احبابك - اصدقاءك -اعداءك

عندما تتحدث الى من كان اقرب الناس اليك فى حذر

فتتوقع - تستنتج - تخمن

عندما تجد مشاعر بداخلك تولد دون ارادة منك وانت تعلم انها باتت اجمل ما لديك

ولكنك تسال !!! ماذا ستكون نهايتها ؟؟؟؟؟؟؟؟

عندما تجد المسافات تباعدت وتستمر فى البعد بينك وبين نفسك فعندما

تريد العودة ثانيتا تجدها قد تغيرت كثيرا .

عندما تجد ان حلمك قد قربت نهاية عددم تحققه.

عندما تجد كثيرا من الاشياء فى الواقع تبدلت وتحولت الى الاسوء تضيق الدنيا بيك

فتتذكر انك ضللت الطريق الى الله

فتتوه داخلك افكارك ومعانيك

فتحس بفقدان هوايتك

وانفصالك عن عالمك

فتزداد تساؤلاتك لانك تريد العودة ثانيتا وفهم كل ما فشلت فى تفسيره .

__________________________________________

بقلمى shemo

2\4\2010

سهرانه .......تخيلت واتمنيت

2010-03-21T18:06:00.000-07:00

السلام عليكم

بقالى كتير نفسى افضفض هنا ايوه هنا بذات فى المدونة فى مكان يمكن فى الوقت الى اكون بكتب او بفضفض فيه

مش حيكون فى حد موجود يقولى اصل كدا صح او كدا غلط مش حينفع كدا لا دا حينفع بلاش تفكرى كدا دلوقتى وراكى حجات اهم

فى مذاكرة وفى دروس وامتحانات يمكن مهم اوى تلاقى حد يقولك كل الكلام دا بس فى وقت مش بتبقى محتاج حد يقولك صح او غلط

قد ما انت محتاج حد يضمك لحضنه ويقولك اتكلم حسمعك ومش حزهق ححتوى كلامك وحيبقى بالنسبة ليا حاجة مهم حتى لو كان تافه فى الحقيقة

اعده ومش جايلى نوم وبحاول ابطل تفكير قولت اقوم افتح الجهاز وافضفض هنا

وانا بفكر فى الكراكيب الى فى دماغى قصدى الافكار الى ع طوال شغلانى

جت ع بالى اغنية طول ماانت معايا وشغلتها واعدت اسمعها وانا بكتب

حلمت وقتها انى الكلمات بتاعتها دى يااااااااه لو كانت ينفع تبقى من حقى ان ينفع اقولها لحد غالى عندى اوى

يااااااااااه لو فى الوقت دا كان ينفع ويبقى عادى انى اقوم امسك تليفونى واجيب اسمه واتصل بيه واقوله كل الكلام دا

من غير تردد ولا خوف من رد فعله

حد دايما حاسه انى محتاجه ليه اتهيئلى اكتر كمان بكتير من لو كان هو بيحتاجلى

حد ا ول مبحس انى محتاجة انى احكى او افضفض بيبقى هو اول حد بيجى وقتها ع بالى

يعتبر اغلى واحلى حد وحاجة فى حياتى دلوقتى

طول ما انت معايا

مبقتش خلاص محتاج ولا حاجة من الدنيا دى

ولقتنى بعيش احساس مش عادى ملهش نهاية

وحبك عمال يكبر جوايا فى كل يوم

طول ما انت معايا

مبقتش خلاص محتاج ولا حاجة من الدنيا دى

ولقتنى بعيش احساس مش عادى ملهش نهاية

وحبك عمال يكبر جوايا فى كل يوم

تلك الاحداث ماهى الا وصف لحالة او تخيل لموقف عيشت نفسى فى وانا بكتب البوست
وقد تكون حالة مرت ع شخص بالفعل فى الخيال او الواقع

بقلمى shemo

هو و هى

2010-03-04T10:09:00.000-08:00

فرقهما عن حبيبيهما الجراح والالام واسكن الزمان قلبهما بشبح الخوف

الخوف من الوحدة والحزن

جمعت بينهما سهام الحب الذى الف بين قلبهما

هى لم تعرف حقيقة مشاعرها نحوه الا باعترافه لها ولكنها لم تعرف صواب تلك المشاعر

ولم تشعر بالاهتمام منه بقرارها وذلك رغم اعترافه بيها

ولم تعد تثق فيمن حولها

.............ولم ترد ان تخطأ ثانيتا فى اختيارها تمهلت

اخدت الافكار تجول فى خاطرها

ولكن ذهنها مشوش تتضارب فيه القرارات بين الماضى والحاضر

ولم تعد تقتنع بالتفكير بمنطق المشاعر والقلوب

وتمر عليها احداث تجربتها فيما سبق ...فيزداد داخلها احساس الخوف من تجربة جديدة .

ولكنها تحترمه كثيرا ولن ترضى له هو الاخر بالجرح ثانيتا

تحاول الاقتراب منه اكتر وقطع العديد من الحواجز بينهم.

تتحدى شبح خوفها الذى اصبح يحاربها حتى فى احلامها

تتحداه بمشاعرها اتجاهه

وافكارها تلك وان تك مشوشه فهى فقط محاولات لانجاح علاقتها بيه

.....................ومازالت تفكر ولم تستطيع اخذ قرار

_________________________________________________

بقلمى انا shemo

___________________

بجد وحشتنونى كلكم ووحشنى انى اتبعكم

وبعتذر ع الغياب الفترة الى فاتت دى بس المذاكرة والثانوية العامة زيى ما انتم عارفين

وكمان الجهاز كان بايظ عندى والنت كان فاصل

وبعتذر ع انى مش رديت ع التعليقات بتاعت البوست الى فات واكيد حتعذورا

___________________________________________

وعاوزة ابارك لشيما الشعب لابد له من حكومه تشكومه/ ع خطوبتها

ربنا يتمملك بخير ياشيما يارب ويباركلكم فى بعض

ولحنين حنين القلب ع عمر ربنا يباركلك فيه يارب يا حنين ويخليهوالك

حقيقه صعبه

2010-02-12T14:26:00.000-08:00

عايشين فى دنيا كبيرة وكل واحد عايش فى حاله

عايز يأمن لنفسه عيشه ومستقبل لعياله

ولومصلحتك جات ع مصلحتى يبقى مش همى

دا همك انت لوحدك لوحتى كنت اخويا او ابن عمى

وانا مالى بيك ملكش حق عليا ولا ليا حق عليك

اصلنا مبقيناش بنى ادمين واحسسنا ومشاعرنا ماتت

بقالها سنين فيها ايه لو يوم احتجت ليك لقيتك جنبى

تمسح من ع خدى دمعة وتشركنى فى يوم فرحى

بقلم / shemo

up7.....تاثرا بالكيمياء.

2010-02-04T01:29:00.000-08:00

السلام عليكم

معلومة عجبتنى فجيت اقولكم عليها

من فترة كدا وانا عمالة افكر ليه اسمها 7up مش معنه

ما فى ارقام كتير ليه مش up5 او up4 مثلا اشمعنى ال7

وليه اب ليه مش ام مثلا دا حتى الجنة تحت اقدام الامهات

ههههههههه

واعدت افكر شوية مش لقيت تفسير والموضوع دا كان من فترة

اوم ايه نسيت الموضوع واخدتش فى بالى ومستفسرتش ولا سئلت

حد

ولكن بأعتبرا اننى طالبة ثانوية عامة علمى

بعد الشر عليكوا يعنى ههههه

فباخد كيميا بعيد عنكم برده

وفى حصة من حصص الكيميا

فجات ان المستر بيقول انه برده وهو كان صغير كان بيسال نفسه

نفس السؤال يااااا ع الصدف

ولكن هو كان بيفكر شوية وشغال دماغه اكتر منى

و وجد اجابة وتفسير للسؤال

تنتر لاااااااااا

هههههه

(دمى خفيف انهارده مش عارفه ليه يمكن عشان الصبح )

التفسير ايه يا جودعان

ان up يعنى فوق صح كدا

وفوق السبع ليه

عشان فوق السبعة ولحد 14 فى الكيميا دا يعنى قلوى

وسمى هذا المشروب الغازى بهذا الاسم لانه قلوى يعادل حموضة المعدة

(اللغة العربية عملةشغل)عشان كدا اما حد بياكل حاجة تقيلة ويشرب up7 بيستريح اوى

الكيميا بتنفع برده تصدقوا

اشربوها بقاه كتير

___________________________

shemo

مبرووووووووووووووووووووووك

2010-01-28T14:32:00.000-08:00

بحبك اوووووووووووووووى

ع طوال ربنا حارسك وعطاكى فرصة ترجعى حقك عشان دايما صحبة حق

مش حقول حاجة غير ااااانى فرحااااااااااااااااااااااااااانى اوى

اول مرة احس انى بحبك اوووووووووى كدا وبجد افتخر انى منك و انى شربت من نيلك وعايشة ع ارضك

بحبك يا ام الدنيا ......يارب دايما ربنا رافع رايتك ومفرح شعبك

امين يارررررررررررررررررب

وانهارده كان انتصار عقبال يارررررب الفينال ونفرح بكأس افريقيا

ونكون الابطال افريقيا لسابع مرة

ياررررررررب فرحنين دايما

______________________________________________________

egyption girl

shemo

اليك حبيبى .....!!!!!

2010-01-24T16:37:00.000-08:00

اليك يامن يتطوق قلبى لراياه

يا من لم يخفق قلبى لاحد سواه

اخبرك حبيبى

اننى مللت ايامى بدونك

وبكائى خارج احضانك

مللت برد الشتاء دون دفىء شمسك

وملامحى دون ابتسامة مرسومة بفرشة احلامك

مللت شفتاى دون نطق حروف اسمك والرد ع عباراتك

مللت احلامى التى تخلو من اثارك

اخبرك حبيبى

ان شوقى يزداد اليك كل يوم جديد

فاخبرنى.......هل بداخلك شوق الى

اخبرنى.......متى تاتى الى فهذا يعنى الكثير

مجيئك يعيد الى حياتى ويرد قلبى الى من جديد

فأخبرنى متى ستأتى ..............؟؟؟

وان لم تعرف متى ستاتى

أننى اردت سكن قلبك

!!!!!!........فدلنى اين السبيل

______________________________

بقلمى shemo

انا غالية

2010-01-07T16:52:00.000-08:00

.
السلام عليكم
.

فى وسط زحمة افكارى فكرة دايما ملزمانى فكرة عبرت عنها فى كلمة (انا غالية )الكلمة دى بجد لو تفهم معناها كل بنت

من بنات جيلنا حيفرق حلنا وقتها كتير , حيفرق شكل لبس البنات الى بنشوفه فى الشارع والى بيسبب ازمة لكتير من الشباب

والى اى حد يعمل حاجة فى الشارع يعلق قلة اخلاقه عليه ,حتفرق كتير فى فكرتنا ع الحب والارتباط ,جاية افكر نفسى قبل اى حد

انى دينا هو الى قال كدا انى غالية .....ايوه غالية ...غالية بحجابى وبشكله كمان مش اى طرحة ع الراس تبقى حجاب .

غالية لان المفروض اكون عارفه قيمة نفسى قبل اى حد ماي كون عارف كدا ,وبجد اصبح شكل العلاقات فى مجتمعنا عجيب جدا

والسبب احنا برده وافكارنا .....دا حبيبى ودا صحبى دى بقيت تتقال عادى كدا ولا اكننا مجتمع مسلمين ولا حاجة ولا حتى بنحط حدود

للعلاقات بتاعتنا دى ....لو كل بنت عرفت انها عشان غالية كانت عرفت انه منفعش حد يشوف حاجة من جسمها وهو مش من حقه

يشوفها , كانت تعرف انها مينفعش ترتبط بحد بعلاقة غير رسمية وترجع لما يسيبها تقول انا اتجرحت وياااااااااه الناس وحشين ومش

كويسين سعتها لازم تفتكر ان مفيش حد غلط فى حق نفسها غيرها لانها مكنتش عارفه قيمة نفسها فى الوقت دا

ومكنتش تعرف قد ايه هى غالية وعارفه والله ان الكلام دا كله بحكمه الخبرة والسن بس المبدا بيفرق كتير مع البنى ادم .

لو ع الحب اكيد مش حرام وحنا الى بنخلى كل حاجة فى حياتنا تروح طريق صح وتروح برده بايدينا طريق غلط احنا الى نقدر نعمل دا.

من رايى الشخصى ان الارتباط الى ربنا راضى عنه هو اكتر ارتباط ممكن يقوى والحب الى بين الاتنين دول يزيد ويفاضل مستمر

طول العمر .

ان ربنا يكون مدينى حق ومعرفنى قمية نفسى وانا استغنى عن الحق دا يبقى اكيد دا مش غباء من اى حد غير انا .

ودى مش فلسفة ولكنها افكار موجوده بينا ولازم نفكر نفسنا ونذكرها عشان نفوق .

(فذكر انما الذكره تنفع المؤمنين)

صدق الله العظيم

------------------------------------------------------------------------------

بقلمى : shemo

happy new year +اطرف ما انتهت بيه 2009+عزاء

2009-12-31T10:52:00.000-08:00

السلام عليكم

ع الرغم من انى مش من الناس الى بتحتفل براس السنة والحجات دى

بس جيت اقولكم كل سنة وانتم طيبيبن يارب والسنة الجاية كل واحد يعرف يحقق الى معرفش يحققه

فى 2009 وكل سنة وربنا رافع راية الاسلام فى كل انحاء الارض , واكيد الكل بيحلم السنة الجاية يكون

حكام العرب اتحدوا ونعرف باذن الله نحرر المسجد الاقصى عارفه انه حلم بعيد شوية بس نامل انه يتحقق

قريب .

----------------------------------------

وبمناسبة السنة الجديدة وان هم يضحك وهم يبكى هرغى معاكم شوية واحكيلكم ع كام موقف بجد متهيئليش

انى ممكن انساهم وخصوصا انهم حاصلوا فى اخر يوم فى السنة انهرده بالظبت قبل ما اكتب البوست بحوالى 3

4 سعات .....

اليوم فاضى عادى واعده فى البيت واتخنقت من الروتين بتاع كل يوم فقولت اخرج وياريتنى مخرجت ولا حبيت

اكسر الروتين حتى هههههههههه اول مفجاة تحاصل فى اول الخروجة .

الموقف الاول

(ماشية فى امان الله وبتكلم مع اختى وبنت عمى والدنيا كانت زحمة جدا المهم تليفون اختى رن

ففتكرت انى عوزة اعمل مكالمة فبفتح الشنطة عشان اطلع التليفون كانت المفجاة وادور ع التليفون

مش موجود التليفون ووووووواااااااااءءء ايقنت باه ان التليفون اتسرق ايوه اتسرق والخروجة ابتدت

بالموقف اللطيف دا المهم وارن ع التليفون فثوانى اتافل المهم بجد اتحرق دمى بشكل التليفون دا ع الرغم انه

مكنش قيم اوى بس كان غالى عليا اوى عشان كان جيلى هدية من خالى وخلاص شوية وحعيط ويقولول خلاص

حتعملى يعنى خد الشر وراح وانا قلبتها غم وحبوظلهم الخروجة قولت الم الدور باه حعمل ايه فعلا خلاص هو راح

وربنا يعوض عليا وووواااااءءء مصعبتش ع حد طبعا لو حد عنده تليفون زيادة يسلفهولى شوية ع بال مجيب

واحد جديد هههههه ) .

الموقف التانى

(خلاص الموقف الى فات عدى والدنيا مشيت عادى , مشيين فى امان الله وجات وحدة ست شحاته

المهم عايزة فلوس وكده اختى اديتها وخلاص مشيت شوية ووقفنا نتفرج فى محل ع لبس ولقيت الست

جاية تانى وربنا يستر حاجة لله وربنا يكرمك ياست الله يسهلك مفيش وربنا يرزقك مفيش ولا مقصر

معاها حاجة والغريب كل الشحتين الى شوفتهم فى حياتى تقولهم الله يسهلك يمشوا دى لا لزقت قولت امشى

انا باه راحت الست ماشية ورايا ومسكانى من ايدى وربنا يكرمك ومش راضية تسيبنى وانا حموت من الضحك

ومش قادره امسك نفسى وهى شغاله دعاء , انا اساسا ضد ان حد يدى فلوس للناس الى بيشحتوا فى الشارع

دول لاننا كدا بنشجعهم اكتر انهم يتمدوا فلى بيعملوا فى وسائل كتير ممكن الناس تساعدهم بيها لو هما محتاجين

غير انهم يطلبوا بالشكل الى مش فى كرامة دا ).

الموقف التالت

( واحنا رجعين باه نازلنا من الترام والمسافة بينه وبين البيت مش تاخد حوالى ربع ساعة كده عشر

دقايق بس كنا خلاص مش قادرين نمشى ومفيش مواصلات فى السكة دى غير المواصلة العجيبة الجديدة

دى الى اسمها توكتوك المهم امرنا لله نركب وخلاص حنعمل ايه يعنى والمهم وصلنا عند البيت

ع اول الشارع وبندى للراجل2 جنية واحنا نازلين مسافة صغيرة جدااا طلع استغلالى لا عاوز كمان2 جنية

عليهم وقولتله دا ع اساسا اننا مثلا راكبين تاكسى ولا ايه قالى هو كدا وانا باه مكرهش حاجة فى حياتى قد

الاستغلال وافلت معايا ان مفيش غير 2 جنية دول وراجل دماغه والف تيييييييييت انه ميمشيش غير لما

ياخد 2 جنيه كمان قولتله انت حر المهم يقولولى يابنتى خلينى نخلص ونمشى نديله الفلوس وخلاص وهى مرة

وتعدى وانا ابدا ورحت قولتلهم يلا وسيبناه ومشينه اعد ينادى ويزعا قولتله مع نفسك باه . )

----------------------------------------------------------

تقريبا الناس كلها كانوا مستقصدينى انهارده هههههههه

يلا كل سنة وكل المدونين بخير وكل سنة وعالم التدوين

احسن.

--------------------------------------------------------

عزاء :

ابن خال الجوكر من فريق شباب اون لاين توفى البقاء لله يا جوكر وربنا يرحمه يارب ويسكنه

فسيح جناته ويارب تكون اخر الاحزان باذن الله .

------------------------------------------------

بقلم shemo

اخر يوم من 2009

31\12\2009

وليلة راس السنة 2010 .

بحلم

2009-12-13T09:51:00.000-08:00

تنوية :هذا البوست ليس له علاقة بحالتى الشخصية او اى مود انا بعيشه تلك الكلمات مجرد كلمات
. رحلت عن خاطرى لكى تكون شخبطة ع احدى اوراقى الخاصة _______________________________________________________

بحلم بحلم بيحلمه كل البشر

بحلم بحضن دافى يضمنى

بحلم بايد تمسح دموعى وهى نازلة تبقى عارفه حزنهم

بحلم بقلب عارف معنى كلمة صادقة فى يوم انا قولتها

قلب يقدر يفسر معنى كلمة بحبك اللى فى يوم انا عيشتها

بحلم بكلمة حبيبى اقولها يوم وانا مش خايفة منها

بحلم بيك وليك ومعاك

وحفضل احلم و ادور عليك

واحلم لحد ملاقيك ولو حلمى ضاع فى يوم

حفضل حفظة اسمك حفظة رسمك ومش حقول كلمة بحبك الا

ليك

. يا اغلى حاجة حلمتها

_____________________________________________

عيد ميلاد

دودو عاشقة الرومنسية حبيت اقولها عندى هنا

(كل سنة وانتى طيبة ياقمر وعقبال مليووون سنة )

____________________________________________

بقلم shemo

14\12\2009

تاج من ميروووو + كل سنة اونتم طيبين

2009-11-24T11:22:00.000-08:00

السلام عليكم

الاول كل سنة وانتم طيبين يارب وبالف صحة و سلامة وخلبلكم من الصحة بذات

عشان اللحمة الكتيررر

جالى تاج من ميرووو حبيبة قلبى واول مرة تدينى هدية ومينفعش اكسفها

بسم الله نبدا التاج وربنا يسهلها

_____________

اسمك ؟

شيماء .

سنك؟

16 سنة .

اسم مدونتك ؟

shababik.

مجال دراستك ؟

ثانوى عام علمى رياضة بعيد عنكم

ههههههه.

هل فكرت فى اغلاق مدونتك ؟والسبب؟

لا مفكرتش قبل كده فى اغلاق المدونة

يبقى اكيد مفيش سبب

ههههههههه.

ايه رد فعلك لو حد اقل ادبه عليك فى المدونة ؟

مش حرد عليه وححذف التعليق

لانه مش يستحق ارد عليه اساسا .

اسوا مدونة دخلتها ؟

هى مدونة مكنتش اعرف محتواهم وطلع المحتوى خارج

بدون ذكر اسماء طبعا وربنا يهدى الجميع .

-
هيحصل ايه لايميلك بعد ما تموت؟

اكيد حيتافل و حيموت معايا

اديت الباسورد لحد قبل كده ؟

اه اديته لشخصين ومازال معاهم

عشان قريبين منى اوى .

السفر بالنسبة ليك ؟

مكان جديد بغير فيه جو

وبشوف حجات جديدة ممكن اكون مشفتهاش قبل كده

ممكن اتعرف ع ناس جديدة فيه وقضى وقت ممتع مع صحابى وقريبى لناس الى بحبهم

-
المود بتاعك ايه؟

متقلب دايما

مجنونة لحد ما.

-
بتعمل ايه فى وقت الفراغ؟

بفتح نت

برسم

بصمم ودا بقليل جدا دلوقتى

بقرا مدونات بتبعها

بحفظ قران

برد ع التعليقات الى عندى فى المدونة

-
الاكلات المفضله؟

ايوه كده هى دى الاسئل ولا بلاش

هههههههه

عندى مزاج اوى فى الاكل

السمك

الكبدة الاسكندرانى

كشرى المصرى

فى كتير بس كفاية كده

الصفات اللى اخدتها من والدتك ؟

حب الناس

و الطيبة

والوضوح

والاجتماعية

-
الصفات اللى اخدتها من والدك؟

حب التطلع والمعرفة

العصبية

الاهتمام بالذات لحد ما

-
اكثر ست حاجات بتحبهم؟

الرسم

مجال الازياء

البحر

الاحلام

الوضوح

المشى

-
اكتر ست حاجات بتكرههم؟

التافهه

الخيانه

الكدب

الصحاب الاندال

انى اركب الترام والدنيا زحمه

فصل الشتا

-
شخصيتك نوعها ايه؟

طموحة

حالمة

متمردة لحد ما

اجتماعية

-
لماذا دخلت عالم التدوين من الاساس؟

عجبنى وحسيت انى ممكن استفاد منه شخصيا

بالتعرف ع ناس جديدة عندهم فكر مختلف ومتنوع وناضج

عشان اخرج فيه طاقتى من كتابة واحساس وشارك بفكر

ممكن يضيف ولو لشخص واحد حاجة جديدة .

-
اهميه التعليقات بالنسبه لك؟

بفرح بيها اوى وبتعرفنى رايى الى حواليا فى فكرى

وبهتم بعددها واعمل مقارنه بين البوستات

واعداد التعليقات فيها

وخصوصا لما حد يعلق يكون يهمنى رايى

وبستفاد منه

والتعليقات الجديدة بفرح بيها اوى لانها بتعرفى انى مش وقفة فى مكانى

وفى ناس جديدة بتوصلى .

-
احلى بوست كتبته؟ مع ذكر السبب؟

بوست تذكرت ووثقت

السبب:انه بجد كان بيعبر عن احساس جوايا حسيته وطلعته

فى الكلام الى كتبته فى البوست

-
افضل مدونه قريتها؟

تقريبا كل المدونات الى بتبعها

مش مسالة الافضل لكن كل واحد عنده فكره الخاص

المختلف عن الاخرين وفيه حاجة بتميزه

-
اهميه الانترنت بالنسبه لك؟

تقريبا جزء من حياتى الخاصة

لما ببعد شوية بحس انى منقطعه عن الناس

اهداء التاج ؟

مش عايزة ادبس حد ويكسفنى عشان عارفه ان التاج دا مر ع امة

لا اله الا الله

ههههههههه

فالى يدخل ويعجبه التاج يخده زى بيتكم محدش يتكسف

ههههههههه

_______________________________

الى يدخل مينساش يسيب العدية

ولحمة لو فى ميخسرش هههههههههه

اجابات بقلمى انا shemo

الثقة

2009-11-03T22:53:00.000-08:00

السلام عليكم

سؤال محيرنى وعاوزة افكر بصوت عالى فى معاكوا

الثقة

هو دا السؤال

التجربة بتجبر الانسان انه يوقف وقفه فى حياته من كل حاجة حواليه شخصيته وعلاقته بالناس

وقفه من ردود افعاله حتى نواية اتجههم .

مهما كانت التجربة تافهة او صغيرة من وجهة نظرة او حتى من وجهة نظر الى حواليه الا ان كل تجربة

مهما كان حجمها بتفجر اسئلة جواه وبتسيب بصمه فيه .

ممكن يكون الى مريت بيه من وجهة نظر الى حواليا تجربه صغيرة

لكنها اثرت فيا كتير وخلتنى حد شايف الدنيا والناس من زاوية جديدة وفجرت جوايا اسئلة منها

الى عرفت اجاوب عليها ومنها الى مش ليقلها اجابة او بمعنى اصح مش لقيلها مقياس عشان اعرف اجابتها

ازاى ممكن تثق فى حد؟

الثقة ليها معايير الخبرة للشخص بتفرق فى حجم ثقته للناس الى حواليه؟

هل ممكن تكون الاجابة ان فى زمانه دا مينفعش نثق فى حد؟

ولا ممكن يكون فى اجابة تانية غير دى مقنعة

عاوزة اعرف رايكم اكيد فى ناس منكم اكبر منى سنا واكتر منى خبرة وتجارب وحيكون عندهم زوايا

مختلفة عن الموضوع وفكرة اعمق عنه.

______________________________________________________

غيبت شوية ووحشتنونى موووت بس اكيد الكل عارف سبب الغياب

طلب صغنون: الى يخش البلوج يدعيلى دعواية صغنونه بالتوفيق.

shemo بقلم